Bachka Recipe : साधी भजी नाही, घरी बनवा वांगी-भोपळ्याचा बचका! भन्नाट चव जेवणाची वाढवेल रंगत

रांची येथील ही खास रेसिपी आहे. तिथे सणावाराला ही रेसिपी बनवली जाते. हा बचका तयार होतो बटाटा, वांगी आणि दुधी भोपळ्यापासून. हा अत्यंत स्वादिष्ट आणि कुरकुरीत असतो. आज आपण याची कास रेसिपी पाहत आहोत.

हरमू येथील गृहिणी उर्मिला यांनी सांगितले हा बचका बनवायलाच अगदी सोपा असतो. हा बेसनाचा बचका इतका स्वादिष्ट असतो की, एकदा तुम्ही ते खाल्ले तर तुम्हाला बाहेरील ब्रँडेड चिप्सदेखील आवडणार नाहीत.

उर्मिला यांनी सांगितले सर्वात आधी एका भांड्यात एक वाटी बेसन घ्या. त्यात तांदळाचे पीठ आणि गव्हाचे पीठ समान प्रमाणात मिसळा. पाणी घाला आणि घट्ट पेस्ट बनवा. या पेस्टमध्ये आले, लसूण, हिरवी मिरची आणि कांद्याची पेस्ट घाला. नंतर हळद, मीठ आणि थोडी धणे पावडर घालून चांगले मिसळा. 5-10 मिनिटे एका दिशेने वेगाने फेटून घ्या.

आता बटाटे, वांगे आणि दुधी भोपळ्याचे पातळ गोल तुकडे करा, जसे आपण चिप्ससाठी करतो तसेच. ते पाण्याने धुवा आणि तयार केलेल्या पेस्टमध्ये बुडवा. दुसऱ्या बाजूला एका पॅनमध्ये तेल गरम करा आणि पेस्टमध्ये बुडवलेले तुकडे एक-एक करून तेलामध्ये घाला.

हा बचका मध्यम आचेवर तळून घ्या. सोनेरी रंग आल्यानंतर काढून घ्या. ते हिरव्या किंवा लाल चटणीसोबत सर्व्ह करा. लोक हा पदार्थ भातासोबत दुपारच्या जेवणात खाणं पसंत करतात. (Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी लोकल-18 जबाबदार राहणार नाही.)