लाल दिव्याच्या गाडीला दीड तास! रस्ते पाहून मंत्र्यांनी कपाळाला लावला हात; जळगावात सरकारला घरचा आहेर

जळगाव: राज्यातील रस्ते विकासाचे दावे केले जात असतानाच, खुद्द राज्याच्या मंत्रिमंडळातील एका मंत्र्याला खराब रस्त्यांचा फटका बसला आहे. जळगाव जिल्ह्यातील चोपडा तालुक्यातील रस्त्यांच्या भीषण दुरावस्थेवरून आदिवासी विकास मंत्री अशोक उईके यांनी सरकारला घरचा आहेर दिला आहे. शासनाने दिलेली लाल दिव्याची गाडी असूनही मला या भागात येताना दीड तास लागत असेल, तर येथील सामान्य आदिवासी बांधवांना किती हाल सोसावे लागत असतील? अशा शब्दांत मंत्र्यांनी आपली शोकांतिका व्यक्त केली.