फॉरेनची पाटलीन! चंद्रपूरचा मुलगा, ऑस्ट्रियाची सून; झाडाखाली लग्न अन् बैलगाडीतून वरात, 9 देशांचे वऱ्हाडी

चंद्रपूर जिल्ह्यातल्या दाबगाव मौशी इथल्या तरुणाचं ऑस्ट्रियातील तरुणीशी लग्न पार पडलं. गावातच बैलगाडीतून वरात काढत साध्या पद्धतीने हा लग्नसोहळा झाला.

सावली गावातील सुकरु पाटील आभारे यांचा मुलगा हेमंत उच्चशिक्षित असून तो युरोपातील एका कंपनीत जॉब करतो. ऑस्ट्रियातील युडीश हरमायनी प्रित्झ हिच्याशी त्याने प्रेमविवाह केला आहे.

हेमंत आणि युडिश यांचे लग्न ठरल्यानंतर ते थेट चंद्रपूरमधील गावात आले. लग्नाची तारीख निश्चित केली पण समारंभासाठी हॉल नसल्याने शेवटी शेतातच लग्न सोहळा करण्यात आला.

शेतातील झाडाखाली लग्नाचे विधी झाले तर बैलगाडीतून पारंपरिक वाद्यांनी वाजत गाजत वरात काढण्यात आली. चार दिवसांपूर्वी दोघांचा लग्न सोहळा पार पडला.

हेमंतच्या लग्नासाठी अमेरिका, स्पेन, दक्षिण आफ्रिका, फिलिपीन्स, नेदरलँड, ऑस्ट्रियासह ९ देशांमधील वऱ्हाडी आले होते. लग्नाचे फोटो आणि व्हिडीओ सोशल मीडियावर व्हायरल होत आहेत.