Chandrapur News : महाराष्ट्र केसरी सिकंदर शेख पुन्हा एकदा अजिंक्य! चंद्रपुरात 48 वर्षानंतर कुस्तीचा थरार

चंद्रपुरात आमदार किशोर जोरगेवार यांच्या पुढाकाराने सध्या माता महाकाली क्रीडा महोत्सवाचे आयोजन करण्यात आले आहे. यानिमित्ताने 48 वर्षानंतर चंद्रपुरात राष्ट्रीय पातळीच्या कुस्तीचा थरार बघायला मिळाला.

यात महाराष्ट्र केसरी सिकंदर शेख पुन्हा एकदा अजिंक्य ठरला. त्याने राष्ट्रीय कुस्तीपटू दीपक काकरा याला केवळ 3 मिनिटात गारद केले.

कुस्तीपटूंच्या सामन्याचे आयोजन महाकाली मंदिराच्या पटांगणात करण्यात आले. महिलांमध्ये अर्जुन पुरस्कारप्राप्त दिव्या काकरण विरुद्ध पंजाब व हरीयाणा केसरी जसप्रीत कौर यांच्यातील मुकाबला दिव्या काकरण हिने ताकदीने जिंकला.

या सामन्यांआधी या सर्व कुस्तीपटूंची शहरातून रॅली काढण्यात आली. केवळ प्रदर्शनी कुस्ती नव्हे तर इंटरनेट- मोबाईलच्या गुंत्यात अडकलेल्या तरुणाईला खेळाप्रति आकर्षण निर्माण व्हावे यासाठी हे आयोजन असल्याचे आ. जोरगेवार म्हणाले.

अधिकाधिक संख्येने मुला-मुलींनी कुस्ती अंगीकारावी असे मत अजिंक्य कुस्तीपटू सिकंदर शेख याने व्यक्त केले. कुस्तीप्रेमींच्या अलोट उत्साहात हे सामने पार पडले.