Marathwada Rain : मराठवाड्यात पुढील 48 तास पावसाचे, या जिल्ह्यांना हवामान विभागाचा अलर्ट

राज्यातील कोकण भागासह, काही ठिकाणी मान्सूनचा जोर वाढत चालला आहे, मराठवाड्यात देखील जोरदार पावसाची शक्यता वर्तवण्यात आली आहे. आज 6 जुलै रोजी छत्रपती संभाजीनगरसह 6 जिल्ह्यांना सतर्कतेचा यलो अलर्ट हवामान विभागाने जारी केला आहे. तर 2 जिल्ह्यात हलका ते मध्यम स्वरूपाचा पाऊस राहण्याची शक्यता आहे.

हवामानात काही महत्वाचे बदल जाणवत आहे त्यामुळे पुढील 48 तास मराठवाड्यातील बहुतांश जिल्ह्यात पाऊस असण्याची शक्यता आहे. छत्रपती संभाजीनगरसह जालना, परभणी, बीड, हिंगोली आणि नांदेड या 6 जिल्ह्यात आज पावसाचा अंदाज आहे. त्यामुळे या जिल्ह्यांना हवामान विभागाने सतर्कतेचा यलो अलर्ट जारी केला आहे. पुढील 48 तास हीच स्थिती कायम राहण्याची शक्यता आहे. या काळात छत्रपती संभाजीनगर आणि जालन्यात 40 ते 50 किमी तासी वेगाने वारे वाहतील तसेच विजांच्या कडकडाटात तुरळक ठिकाणी मुसळधार पावसाची शक्यता असल्याचा इशारा हवामान विभागाने दिला आहे.

परभणी, बीड, हिंगोली आणि नांदेड या 4 जिल्ह्यात 30 ते 40 किमी तासी वेगाने वारे वाहतील तसेच सोसाट्याचा वारा आणि विजांच्या कडकडाटात हलका ते मध्यम स्वरूपाचा पाऊस होईल, त्यामुळे पुढील 48 तास हीच स्थिती कायम राहणार आहे, त्यामुळे नागरिकांनी आणि शेतकऱ्यांनी खबरदारी घ्यावी.

मराठवाड्यातील उर्वरित लातूर आणि धाराशिव या दोन जिल्ह्यात मात्र पाऊस कमी असणार आहे, त्यामुळे येथील शेतकरी आणि नागरिकांना आणखी काही दिवस मान्सूनची प्रतीक्षा करावी लागणार आहे. आज लातूर आणि धाराशिव जिल्ह्यात हलका ते मध्यम स्वरूपाचा पाऊस राहण्याची शक्यता आहे. तसेच पुढील काही काळ देखील हीच स्थिती कायम राहण्याचा अंदाज आहे.

आज 6 जुलै रोजीच्या हवामान अंदाजानुसार छत्रपती संभाजीनगर आणि जालना या दोन्ही जिल्ह्यात मुसळधार पावसाची शक्यता आहे, तसेच परभणी, बीड, हिंगोली आणि नांदेड या 4 जिल्ह्यात हलका ते मध्यम पाऊस असणार आहे. उर्वरित लातूर आणि धाराशिव या 2 जिल्ह्यात हलका ते मध्यम स्वरूपाचा पाऊस राहण्याची शक्यता आहे.