Marathwada Weather: वादळी वारे सुटणार, विजांचा कडकडाट होणार, मराठवाड्यात पुढील 24 तास पावसाचे!

पावसाच्या उघडिपीमुळे कमाल तापमानाचा पारा तिशीपार असून, उन्हाचा चटका आणि उकाडा त्रासदायक ठरत आहे. आज 19 जुलै रोजी मराठवाड्यातील लातूर आणि धाराशिव जिल्ह्यात विजांसह पावसाची शक्यता असल्याने यलो अलर्ट हवामान विभागाने दिला आहे. उर्वरित मराठवाड्यात विजांसह हलक्या सरींची शक्यता वर्तविण्यात आली आहे.

मराठवाड्यातील लातूर, धाराशिव या जिल्ह्यांना आज हवामान खात्याकडून यलो अलर्ट देण्यात आलेला आहे. या ठिकाणी मुसळधार अति जोरदार पावसाची शक्यता हवामान खात्याने वर्तवली आहे. या ठिकाणी ताशी 40 ते 50 किलोमीटर प्रमाणे वारे वाहतील.

जालना जिल्ह्यातील देखील 19 जुलै रोजी हलक्या ते मध्यम स्वरूपाचा पाऊस पडण्याची शक्यता सांगितलेली आहे. जालना जिल्ह्यातील काही भागांमध्ये 18 जुलै रोजी मुसळधार पावसाने हजेरी लावली आहे. जालना जिल्ह्यातील परतुर तालुक्यामध्ये काल पावसाने जोरदार हजेरी लावलेली आहे.

परभणी, बीड, हिंगोली आणि नांदेड या जिल्ह्यांमध्ये देखील आज हलका ते मध्यम स्वरूपाचा पावसाचा अंदाज हवामान खात्याने वर्तवला आहे. पावसाने विश्रांती घेतल्यामुळे सर्वच ठिकाणी तापमानात मोठी वाढ झालेली आहे आणि नागरिकांना गर्मीचा मोठा त्रास सहन करावा लागत आहे. पुढच्या आठवड्यात या ठिकाणी मुसळधार पावसाची शक्यता वर्तवली आहे.

छत्रपती संभाजीनगर जिल्ह्यामध्ये पावसाने विश्रांती घेतलेली आहे. त्यामुळे तापमानात मोठी वाढ बघायला मिळत आहे. सध्याला संभाजीनगर शहराचे तापमान हे 34 अंशावरती गेलेले आहे. पुढील 24 तासांमध्ये या ठिकाणी हवामान खात्याने पावसाची शक्यता वर्तवण्यात आली आहे.