Ladki Bahin Yojana: 2100 मिळणार की 1500 जाणार? नवे मुख्यमंत्री काय म्हणाले?

मुख्यमंत्री लाडकी बहीण ही योजना आम्ही सुरूच ठेवणार आहोत. दरमहिन्याला 2100 रुपये आम्ही देणार आहोत. बजेटच्या वेळी आम्ही त्याचा विचार करू, असे आश्वासन देवेंद्र फडणवीसांनी दिले.

जी आश्वासने दिली ती पू्र्ण करू त्याकरता ज्या व्यवस्था आहे त्या व्यवस्था आम्ही करु, असे देवेंद्र फडणवीस म्हणाले.

लाडकी बहीण योजनेचा लाभ निकषाच्या बाहेर कोणी घेतलं असेल तर त्यावर विचार करावा लागेल. जो निकषात बसते त्यांचे कोणाचे काढून घेतले जाणार नाही.

शेतकरी सन्मान योजना सुरू केली त्यावेळी त्याचा लाभ मोठ्या शेतकऱ्यांनी देखील घेतला. तर हे लक्षात आल्यानंतर त्यातील अनेक शेतकऱ्यांनी स्वत: सांगितले आम्ही निकषात बसत नाही. त्यानंतर ती योजना स्थिर झाली.

या योजनेत काही निकषात बसत नाही अशा बहिणी आहेत तर त्यांचा पुर्नविचार करू पण सरसकट सगळ्यांचा विचार केला जाणार नाही, असेही फडणवीस म्हणाले.