health tips in marathi : रात्री झोपण्यापूर्वी अजिबातच हे पदार्थ खाऊ नयेत, डॉक्टरांचं ऐकायला हवं

Published by:Khushalkant Dusane
local18
Reported by:Kale Narayan

Last Updated:August 19, 2024 5:17 PM IST

बदलत्या जीवन पद्धतीनुसार आपल्या खानपानाच्या पद्धतीमध्येही बरेच बदल झाले आहेत. हल्ली जेवणानंतर वेगवेगळी पेय खाद्यपदार्थ तसेच गोड पदार्थ खाण्याचा ट्रेंड वाढत आहे. यामध्ये आईस्क्रीम, मिल्क शेक, दूध, कॉफी इत्यादी खाद्यपदार्थ आणि पेय यांचा समावेश होतो. मात्र, हे खाद्यपदार्थ आपल्या चयापचय क्रियेवर परिणाम करतात. (नारायण काळे/जालना, प्रतिनिधी)

1/8

आईस्क्रीम, मिल्क शेक, दूध, कॉफी इत्यादी खाद्यपदार्थ आणि पेय यांमुळे अपचन, लठ्ठपणा, हृदयाचे आजार यासारख्या समस्या उद्भवतात. त्यामुळे रात्री जेवण केल्यानंतर कोणते खाद्यपदार्थ घेणे टाळावे, याबाबत ओबीसीटी कन्सल्टंट डॉ. अमृता कुलकर्णी यांनी माहिती दिली.

2/8

लोकल18 शी बोलताना त्यांनी सांगितले की, आपल्या सर्वांना आहार आणि इन्सुलिन याचा संबंध आहे हे माहीत असेलच. सकाळी उठल्यानंतर इन्सुलिनचं सिक्रेशन सुरू होते. दुपारच्या वेळी इन्सुलिन सिक्रेशन सगळ्यात जास्त पातळीवर असते तर सायंकाळी आणि रात्री ते सर्वात कमी असते. यामुळे रात्री सात वाजेच्या आसपास आपण रात्रीचे जेवण करायला हवे.

3/8

बरेच जण रात्री जेवण लवकर करतात. मात्र, टीव्ही, मोबाईल पाहण्यात व्यस्त असल्याने जेवणानंतर आईस्क्रीम, मिल्क शेक, शुगर कँडी असे पदार्थ घेतात त्याचबरोबर रात्री दूध घेणारेही अनेक जण आहेत. असे गोड खाद्यपदार्थ जेवणानंतर घेतल्याने रक्तातील साखरेचे प्रमाण वाढते. यामुळे निद्रानाश होण्याची शक्यता असते असे कुलकर्णी यांनी सांगितले.

4/8

रात्रीच्या वेळी दूध घेतल्याने लिव्हर संथ गतीने काम करते. त्याचबरोबर दूध पचनास जड आहे. त्यामुळे आपली पचन क्रिया बिघडते म्हणून रात्रीच्या वेळी दूध घेणेदेखील टाळायचे आहे.

5/8

याचबरोबर रात्री अल्कोहोल घेणेदेखील टाळणे आरोग्यासाठी उत्तम आहे. टोमॅटोमध्ये भरपूर प्रमाणात अॅसिडिक पदार्थ असल्याने याचे सेवनही रात्रीच्या वेळी टाळायचे आहे. यामुळे अॅसिडिटी, जळजळ होणे अशा समस्या उद्भवू शकतात.

6/8

सायंकाळच्या वेळी कॉफी घेण्याची शौकिन देखील अनेक जण असतात. कॉफीमुळे आपला ब्रेन हा अलर्ट राहतो. त्यामुळे रात्री झोपण्यापूर्वी 6 ते 7 तास आधी कॉफी घेणे टाळायचे आहे. याचबरोबर कॉफी असलेले चॉकलेट्स आणि इतर खाद्यपदार्थही टाळायचे आहेत.

7/8

रात्रीच्या वेळी आपली पचनशक्ती अतिशय कमी झालेली असते त्यामुळे रात्री तळलेले पदार्थ, पिझ्झा, पास्ता, साबुदाणा यासारखे खाद्यपदार्थ सेवन करणेही टाळणे उत्तम आरोग्यासाठी गरजेचे आहे, अशी माहिती ओबीसीटी कन्सल्टंट अमृता कुलकर्णी यांनी दिली.

8/8

सूचना : ही माहिती तज्ज्ञांशी साधलेल्या संवादावर आधारित आहे. ही माहिती सार्वजनिक आहे. वैयक्तिक सल्ला नाही. त्यामुळे कोणतीही उपचार पद्धती फॉलो करण्यापूर्वी डॉक्टरांचा सल्ला नक्की घ्या.

health tips in marathi : रात्री झोपण्यापूर्वी अजिबातच हे पदार्थ खाऊ नयेत, डॉक्टरांचं ऐकायला हवं

फोटो

ताज्या बातम्या