डफ–तुणतुण्याच्या गजरात निवडणूक प्रचार; बाप–लेक शाहिरी थाटात मैदानात; कोल्हापूरचा लक्षवेधी प्रचार

कोल्हापुरात महानगरपालिका निवडणुकीचा प्रचार आता शिगेला पोहोचलेला असतानाच प्रचारात एक वेगळाच रंग पाहायला मिळतोय.

पारंपरिक राजकारणाला लोककलेची, शाहिरीची जोड देत थेट शाहीर दिलीप सावंत आपल्या लेकीसह निवडणुकीच्या रणांगणात उतरले आहेत.

हातात डफ-तुंतुणा, डोक्यावर फेटा आणि ओठांवर शाहिरी कवणं… अशा आगळ्यावेगळ्या अंदाजात बाप-लेकीची ही जोडी कोल्हापुरातील आपल्या मतदारसंघांमध्ये प्रचार करताना दिसत आहे.

शाहीर दीप्ती जाधव या कोल्हापुरात प्रभाग क्रमांक मधून निवडणूक लढवत आहेत.आम आदमी पार्टीच्या त्या उमेदवार आहेत.

कोल्हापूरच्या सर्वांगीण विकासाचा ध्यास घेत शाहीर दीप्ती जाधव या शाहिरीच्या माध्यमातून थेट मतदारांपर्यंत आपलं व्हिजन पोहोचवत आहेत.

शाहिरी कवणांतून प्रश्न मांडत, विकासाची दिशा सांगत आणि जनतेशी थेट संवाद साधत असलेला हा प्रचार सध्या मतदारांचं लक्ष वेधून घेतो आहे.

कोल्हापूरमधील हा आगळा वेगळा प्रचार अवघ्या राज्याचं लक्षं वेधून घेत आहे