तब्बल 7 लाखांचा पेन, विशेषता पाहून तुम्हीही व्हाल अवाक, PHOTOS

लिखाण करण्यासाठी जी सगळ्यात महत्त्वाची गोष्ट म्हणजे पेन आणि लिखाणाची आवड असणाऱ्यांना विविध प्रकारचे पेन पाहणे आणि वापरण्याची आवड नेहमीच असते.

अशातच कोल्हापुरात दोन दिवसीय पेन शोचे आयोजन करण्यात आले होते. पेनाच्या दुर्मिळ आणि विविध शेड्सच्या शाईपासून ते जगभरातल्या 50 हून अधिक ब्रँड्सचे पेन कोल्हापूरकरांना पाहता आणि खरेदी करता आले.

या पेन शोमध्ये जगभरातील 50 हून अधिक नामांकित ब्रँडचे तब्बल 2000 पेक्षा जास्त फॉऊंटन पेन, रोलर पेन, बॉल पेन, मेकनाईज्ड पेन्सिल्स कोल्हापूरकरांना पाहायला मिळाल्या.

अगदी 200 रुपयांपासून ते 7 लाख रुपयापर्यंतचे विविध पेन या प्रदर्शनात ठेवण्यात आले होते. यातील इटलीमध्ये तयार झालेला 7 लाख रुपये किमतीचा पेन देखील आकर्षणाचा केंद्रबिंदू ठरला. याचे चार प्रकारचे विविध डिझाईनचे पेन या प्रदर्शनात ठेवण्यात आले होते.

या पेनासह आणि त्यावरील कलाकुसर हाताने तयार करण्यात आलेली आहे. तर पेन पूर्णपणे चांदीचा असून त्याची नीब ही सोन्याची आहे.

त्याचबरोबर या पेनावर वेगवेगळ्या आठ प्रकारचे खडे हे जडवण्यात आले आहेत. त्यामुळे या पेनाची किंमत इतकी जास्त आहे.

दरम्यान पद्धतीचे जगात फक्त 333 पेन तयार करण्यात आले असून भारतात 12 पेन विक्रीसाठी आले आहेत.