Kashedi Tunnel : कोकणावासीयांना गणेशोत्सावापूर्वी गुड न्यूज! कशेडी बोगदा उद्यापासून खुला होणार, पण एका अटीवर

गणेश उत्सवासाठी कोकणात जाणाऱ्या चाकरमान्यांसाठी आनंदाची बातमी आहे.

मुंबई गोवा महामार्गावरील रत्नागिरी आणि रायगड जिल्ह्याला जोडणारा कशेडी घाटाला पर्यायी मार्ग असणाऱ्या कशेडी बोगदा उद्या सोमवारी 11 सप्टेंबर पासून मुंबईहून कोकणाकडे जाणाऱ्या चाकरमान्यांसाठी सुरू करण्यात येणार आहे.

गणेशोत्सवासाठी मुंबई गोवा महामार्गावर मोठी रहदारी निर्माण होते. कशेडी या अवघड वळणाच्या घाटात अनेक अपघात होतात, ते अपघातात या बोगद्यामुळे टळणार आहेत.

खास गणेशोत्सवासाठी कोकणात येणाऱ्या लाखो गणेश भक्तांसाठी व चाकरमान्यांसाठी कशेडी बोगद्यातून आता प्रवास होणार आहे. केवळ लहान वाहनांसाठीच हा बोगदा सुरू करण्यात आला आहे.

या बोगद्याची एक लेन सुरू करण्यात आली आहे. सुरक्षिततेच्या दृष्टिकोनातून काही नियम बोगद्यातून प्रवास करणाऱ्या वाहन चालकांना पाळायचे आहेत.