नागपूर - उमरेड रोडवर धावत्या ट्रॅव्हल्सला आग,काही मिनिटात बस जळून खाक; काळजाचा ठोका चुकवणारे फोटो

पुण्यातील नवले ब्रीजवर झालेल्या अपघाताची घटना ताजी असताना नागपूर-उमरेड रोडवर धावत्या ट्रॅव्हल्सला आग लागल्याची भीषण घटना घडली आहे.

नागपूर उमरेड मार्गावर VIT कॉलेज ते उकळवाही हेटी दरम्यान खासगी ट्रॅव्हल्सला अचानक आग लागल्याच्या घटनेने एकच खळबळ उडाली आहे.

यावेळी बसमध्ये एकूण ४५ प्रवाशी प्रवास करत होते. सुदैवाने सर्वजण वेळीच बाहेर पडल्याने जीवितहानी टळली.

धावत्या बसला शॉर्ट सर्किट झाल्यामुळे आग लागल्याचा प्राथमिक अंदाज व्यक्त केला जात आहे,

चालकाने तातडीने बस थांबवत आणि प्रवाशांना बाहेर काढले, अन् काही क्षणांतच बसने पेट घेतला.

स्थानिक नागरिक आणि वाहनचालकांनी मदत करून आगीवर नियंत्रण मिळवले आहे. मात्र बसचा मोठा भाग जळून खाक झाला. अपघातामुळे रस्त्यावर काही काळ वाहतूक कोंडी निर्माण झाली.

प्रवाशांमध्ये काहीजण किरकोळ जखमी झाले. घटनेची अधिक तपास कुही पोलिस तपास करत आहे.