मोठी बातमी! नाशिकमध्ये हिट अँड रन; समाज कल्याण अधीक्षकानं मद्यधुंद अवस्थेत 3 वाहनांना उडवलं!

नाशिकमधून हिट अँड रनची घटना समोर आली आहे, मद्यधुंद कार चालकानं उभ्या असलेल्या तीन वाहनांना धडक दिली.

या अपघातामध्ये दोन चारचाकींसह एका दुचाकीचं मोठं नुकसान झालं आहे. चालक मद्यधुंद अवस्थेत असल्यानं हा अपघात झाल्याची माहिती समोर येत आहे.

धक्कादायक म्हणजे मद्यधुंद अवस्थेत गाडी चालवणारा हा व्यक्ती समाज कल्याण अधीक्षक आहे. त्याच्याविरोधात भद्रकाली पोलीस ठाण्यात गुन्हा दाखल करण्यात आला आहे.

गुन्हा दाखल होताच पोलिसांनी या समाजकल्याण अधीक्षकाला अटक केली आहे, विजय चव्हाण असं या अधिकाऱ्याचं नाव आहे.

दरम्यान या घटनेमुळे नागरिकांमधून संताप व्यक्त होत आहे, घटनेबाबत अधिक तपास सुरू असल्याची माहिती पोलिसांनी दिली.