ST accident : रत्नागिरीमध्ये मोठा अपघात, दोन एसटी बसची समोरासमोर धडक

रत्नागिरीमध्ये दोन एसटी बसची समोरासमोर धडक होऊन भीषण अपघात घडला आहे. चिपळून- कराड मार्गावर भराडे येथील वळणारवर हा अपघात घडला आहे.

सुदैवानं या अपघातामध्ये कोणतीही जीवितहानी झाली नसून, दोन प्रवासी जखमी झाल्याची माहिती समोर येत आहे. पोफळी -चिपळून व देवरूख-पुणे या दोन बसची समोरासमोर धडक झाली.

हा अपघात घडला त्यावेळी पोफळी चिपळून एसटी बस वेगात होती. अपघातानंतर ही बस रस्त्याच्या कडेला टाकलेल्या खडीवरून स्लीप झाली.

बस कलंडताच या बसमधील प्रवाशांनी बसच्या खाली उड्या मारल्या, या घटनेत दोन प्रवासी जखमी झाले आहेत.

प्राजक्ता विजय सुर्वे आणि डेरवणकर असं या अपघातातील जखमी प्रवाशांचं नाव आहे, त्यांना उपाचारासाठी रुग्णालयात दाखल करण्यात आलं आहे.