Wardha News : वर्ध्यात भाविकांच्या धावत्या ट्रॅव्हलरला आग! काही मिनिटांत जळून कोळसा; काळजाचा थरकाप उडवणारे PHOTOS

वर्धा जिल्ह्यातील कारंजा घाडगे येथे धावत्या ट्रॅव्हलरला आग लागल्याने भीषण अपघात घडला. यामध्ये गाडीचा जळून कोळसा झाला आहे.

कारंजा घाडगे जवळील पालोरा येथील पेट्रोलपंप जवळ रात्रीच्या सुमारास ही घटना घडली. अपघातग्रस्त ट्रॅव्हल शेगाव येथून दर्शन करून नागपूरला चालली होती.

या ट्रॅव्हलमध्ये एकूण 17 भाविक प्रवास करत होते. गाडीतून धूर निघत असल्याचे लक्षात येताच चालकाने गाडी थांबवली.

वाहन थांबवताच प्रवासी तात्काळ बाहेर पडले. काही वेळेतच संपूर्ण ट्रॅव्हलला आग लागली. प्रसांगवधान राखल्याने जीवितहानी टळली. घटनास्थळी पोलीस दाखल झाले आहेत.

तापमानात वाढ झाल्याने वाहनात आग लागल्याच्या घटना घडत आहे. मागील आठ दिवसात जिल्ह्यात 4 ठिकाणी वाहनांना आग लागल्याची घटना घडल्या आहेत.