Bonus Share: आता या IT कंपनीने दिलं बोनस शेअरचं गिफ्ट, मिळतील एकावर एक फ्री शेअर

ही मिडकॅप आयटी कंपनी Newgen Software Technologies आहे. सोमवारी म्हणजेच 27 नोव्हेंबर 2023 रोजी सकाळी 11 वाजता कंपनीच्या बोर्डाची बैठक झाली. या मंडळाच्या बैठकीत कंपनीने 1 वर एक बोनस शेअर मंजूर केला आहे.

कंपनीने 12 जानेवारी 2024 ही रेकॉर्ड डेट निश्चित केली आहे. याचा अर्थ असा आहे की, या तारखेपर्यंत कोणाच्या डिमॅट अकाउंटमध्ये शेअर्स असतील. त्यांनाच मोफत शेअर्सचा लाभ मिळेल.

शुक्रवारी कंपनीचा शेअर 1.45 टक्क्यांनी घसरला आणि 1280 रुपयांवर बंद झाला. या शेअरने एका वर्षात 100 टक्क्यांहून अधिक रिटर्न दिलं आहे. या शेअरने तीन वर्षांत 400 टक्के रिटर्न दिला आहे.

कंपनीचे सप्टेंबर तिमाहीचे निकाल देखील शानदार आहेत - सप्टेंबरच्या तिमाहीत कंपनीचा एकत्रित नफा 47.78 कोटी रुपये होता. जो मागील तिमाहीत 30.2 कोटी रुपये होता आणि गेल्या वर्षी याच तिमाहीत 29.9 कोटी रुपये होता. म्हणजेच गेल्या वर्षीच्या तुलनेत नफ्यात 59.79 टक्के वाढ झालीये आणि मागील तिमाहीच्या तुलनेत 58 टक्के वाढ झाली आहे.

या तिमाहीत व्यवसायातून उत्पन्न 293.23 कोटी रुपये होते. जे गेल्या तिमाहीत 251.67 कोटी रुपयांच्या पातळीवर होते. गेल्या वर्षी याच तिमाहीत 226.12 कोटी रुपयांच्या पातळीवर होते. याशिवाय, दुसर्‍या तिमाहीत EBIT 50.4 कोटी रुपये होते जे गेल्या तिमाहीत 25.3 कोटी रुपयांच्या स्तरावर होते. दुसऱ्या तिमाहीचा एबिट मार्जिन 17.18 टक्के राहिला. जो गेल्या तिमाहीत 10.05 टक्केंच्या स्तरावर होता.

डिस्क्लेमर : एक्सपर्टच्या सल्ल्यावर वरील गोष्टी सांगितल्या आहेत. तुम्हाला कोणत्याही शेअरमध्ये गुंतवणूक करायची असेल तर सर्टिफाइड अॅडव्हायजरचा सल्ला घ्या. तुमच्या कोणत्याही नफा किंवा तोट्यासाठी न्यूज 18 जबाबदार राहणार नाही.