सोन्या-चांदीच्या किंमतीत मोठी उसळी! चांदीत 10 हजार रुपयांची वाढ, गोल्ड रेट किती?

आज 10 मार्च रोजी सोने आणि चांदीच्या किंमतींमध्ये जोरदार तेजी पाहायला मिळत आहे. सोन्याचा भाव 1296 रुपयांनी वाढून 1,61,595 रुपये प्रति 10 ग्राम झाला आहे.तर चांदीच्या किंमतीतही मोठी वाढ झाली आहे. चांदी 10,846 रुपयांनी वाढून 2,78,006 रुपयांवर पोहोचली आहे.

सोमवारी सोन्याच्या किंमतींमध्ये घसरण पाहायला मिळाली. कारण एनर्जीच्या वाढत्या किंमतींमुळे महागाई वाढण्याची चिंता वाढली आहे. यामुळे अमेरिकन फेडरल रिझर्व्ह लवकरच व्याजदरात कपात करेल या गुंतवणूकदारांच्या आशा कमी झाल्या आहेत.

टाइम्सच्या रिपोर्टनुसार, CME ग्रुपचे FedWatch टूलनुसार गुंतवणूकदारांना वाटते की, 18 मार्चला होणाऱ्या बैठकीत फेड व्याजदर सध्या स्थिर ठेवू शकते.सोन्याला सामान्यतः महागाई रोखण्यासाठी एक चांगला उपाय मानले जाते, तर कमी व्याजदर सोन्याच्या किमतींना आधार देतात कारण त्यामुळे ही व्याजमुक्त गुंतवणूक अधिक आकर्षक बनते.

आज स्पॉट गोल्डची किंमत 0.8% वाढून 5,179.52 डॉलर प्रति औंसवर पोहोचल्या आहेत. तर एप्रिल डिलिव्हरीसाठी अमेरिकन गोल्ड फ्यूचर्सही 1.7% वाढून 5,188.70 डॉलर प्रति औंसवर पोहोचल्या आहेत.

आज सोने आणि चांदीचा भाव किती आहे? : आज, दिल्ली, लखनऊ आणि जयपूरमध्ये प्रति 10 ग्रॅम 24 कॅरेट सोन्याचा दर 1,61,820 रुपये आहे. मुंबई, बेंगळुरू, हैदराबाद, पटना आणि अहमदाबादमध्येही तो 1,61,670 रुपये आहे. दिल्ली, जयपूर आणि लखनऊमध्ये प्रति 10 ग्रॅम 22 कॅरेट सोन्याचा दर 1,48,340 रुपये आहे. कोलकातामध्येही तो 1,53,640 रुपये आहे.

चांदीच्या किंमतींविषयी बोलायचं झाल्यास, सराफा बाजारात चार दिवस स्थिर राहिल्यानंतर गेल्या दोन दिवसात दिल्लीमध्ये याच्या किंमती एकूण 5,100 रुपये प्रति किलोग्राम कमी झाल्या आहेत.

आजही किंमतींमध्ये 100 रुपयांची घसरण झाली आहे आणि दिल्लीमध्ये चांदी 2,79,900 रुपये प्रति किलोग्रामवर विकली जात आहे. मुंबई आणि कोलकातामध्येही चांदीचा हाच भाव आहे. तसंच चेन्नईमध्ये चांदीच्या किंमती जास्त आहेत आणि त्या 2,89,900 रुपये प्रति किलोग्रामवर विकल्या जात आहेत. म्हणजेच चार मोठ्या शहरांमध्ये चांदी सर्वात महाग चेन्नईत आहे.

गुंतवणूकदारांनी पुढे काय करावे? : ब्लूमबर्गच्या रिपोर्टनुसार, गुंतवणूकदारांना आता यूएस फेडरल रिझर्व्ह आणि इतर केंद्रीय बँकांकडून व्याजदर जास्त काळ उच्च ठेवण्याची किंवा आवश्यक असल्यास ते आणखी वाढवण्याची अपेक्षा आहे. उच्च व्याजदरांमुळे सामान्यतः सोन्यासारख्या व्याज नसलेल्या मौल्यवान धातूंवर दबाव येतो.तसंच दुसरीकडे जागतिक शेअर बाजारांमध्ये घसरणी दरम्यान सोनं गुंतवणुकीसाठी सुरक्षित गुंतवणूक आणि रोख रकमेचा स्रोत देखील बनतेय.