Bull गायब, Bear चा खेळ सुरू, 18 महिने मार्केट कोसळणार, एक्सपर्टची भविष्यवाणी खरी ठरणार?

बीजू सॅम्युअल यांच्या म्हणण्यानुसार, निफ्टी अजून 2500 अंकांनी खाली घसरू शकतो आणि हा निर्देशांक 20,000 च्या खाली जाण्याची शक्यता आहे. सॅम्युअल यांच्या अंदाजानुसार, निफ्टीला 19,500 पातळीवर सपोर्ट मिळू शकतो, त्यानंतर काही प्रमाणात सुधारणा होण्याची शक्यता आहे. सध्या निफ्टी 22,100 च्या स्तरावर व्यापार करत आहे.

सप्टेंबर 2024 मध्ये निफ्टीने 26,277 चा उच्चांक गाठला होता, पण त्यानंतर आजपर्यंत निफ्टीमध्ये 16% पेक्षा अधिक घसरण झाली आहे. जर बीजू सॅम्युअल यांचा अंदाज खरा ठरला, तर शेअर बाजार अजूनही मोठी घसरण होत आहे.

बीजू सॅम्युअल यांनी CNBC-TV18 ला दिलेल्या मुलाखतीत सांगितले की, ही घसरण बेअर मार्केटची पहिली लाट आहे. त्यांनी म्हटले आहे की, सध्याची घसरण अवघ्या 5 महिन्यांपूर्वी सुरू झाली आहे आणि हा ट्रेंड पुढील 18 ते 24 महिने सुरू राहू शकतो.

लोकसभा निवडणुकांच्या निकालांनंतर 4 जून 2024 रोजी निफ्टीने 21,281 चा 52 आठवड्यांचा नीचांक गाठला होता. एलारा कॅपिटलच्या मते, निफ्टी पुढील काही दिवसांत हा स्तरही तोडू शकतो.

बीजू सॅम्युअल यांच्या मते, अमेरिकन शेअर बाजार सध्या बुल मार्केटमध्ये आहे आणि तिथे पुढील काळात चांगली तेजी राहण्याची शक्यता आहे. मात्र, भारतीय बाजाराचे प्रदर्शन जागतिक बाजाराच्या तुलनेत कमकुवत राहण्याची शक्यता आहे.

सॅम्युअल यांनी सांगितले की, येत्या 16-18 महिन्यांसाठी IT सेक्टर गुंतवणुकीसाठी सुरक्षित पर्याय ठरू शकतो. निफ्टी IT निर्देशांकाने 13 डिसेंबर 2024 रोजी उच्चांक गाठला होता, मात्र तेव्हापासून त्यात 19% घसरण झाली आहे.

मोतीलाल ओसवाल फायनान्शिअल सर्व्हिसेसचे सह-संस्थापक रामदेव अग्रवाल यांच्या मते, भारतीय शेअर बाजार आता त्याच्या बॉटमच्या जवळ आला आहे आणि लवकरच सुधारणा होईल. मात्र ही सुधारणा V-शेपमध्ये न होता हळूहळू होईल.

सध्या भारतीय शेअर बाजारात मोठी घसरण सुरू आहे, आणि तज्ञांच्या मते हा ट्रेंड काही महिने कायम राहू शकतो. मात्र, IT सेक्टरमध्ये गुंतवणुकीसाठी संधी निर्माण होत आहे. गुंतवणूकदारांनी दीर्घकालीन दृष्टिकोन ठेवून बाजाराचा अभ्यास करावा.

(डिस्क्लेमर: या बातमीचा उद्देश केवळ माहिती देणे आहे, कोणत्याही योजनेत गुंतवणूक करण्याची शिफारस करणे नाही. शेअर मार्केटमध्ये गुंतवणूक करणं अत्यंत जोखमीचं आहे. कोणतीही गुंतवणूक करण्याआधी कागदपत्रं, नियम, अटी वाचूनच करा. इथं दिलेली माहिती ही सर्वसामान्य माहितीवर आधारित आहे. न्यूज 18 मराठी कोणत्याही नफातोट्यासाठी जबाबदार राहणार नाही. त्यामुळे गुंतवणूक करण्यापूर्वी तज्ज्ञांचा सल्ला जरूर घ्या.)