शेअर्सने रडवलं पण गोल्ड फंड्सने कमवलं! 6 महिन्यांत गुंतवणूकदारांना केलं मालामाल

भारतीय शेअर बाजारात सध्या चढ-उतार सुरू आहेत. गेल्या काही महिन्यांत सेंसेक्स आणि निफ्टी सतत घसरत आहेत. पण या अस्थिर शेअर मार्केटमध्येही काही गुंतवणूकदारांचे पोर्टफोलिओ एकदम कूल झक्कास रिटर्न्स देत आहेत. ते म्हणजे गोल्ड म्युच्युअल फंड्स आणि गोल्ड ईटीएफ्स.

गेल्या 6 महिन्यांत शेअर बाजार 10-11% नी गडगडला असताना, गोल्ड फंड्सनी तब्बल 21% पर्यंत नफा दिला आहे. त्यामुळे शेअर बाजाराने होरपळलेल्या गुंतवणूकदारांसाठी गोल्ड इन्व्हेस्टमेंट हा सध्या 'सेफ हेवन' ठरत आहे.

शेअर बाजारात घसरण, पण गोल्ड फंड्समध्ये कमाल कमाई! गेल्या काही महिन्यांपासून भारतीय शेअर बाजारात घसरण सुरू आहे. फेब्रुवारीमध्येच सेंसेक्स 4000 अंकांनी कोसळला. केवळ 1 महिन्यात गुंतवणूकदारांचे 40 लाख कोटी रुपये बुडाले.

6 महिन्यांत सेंसेक्स 10% नी तर निफ्टी 11% नी खाली आला आहे, पण याच काळात गोल्ड फंड्स आणि गोल्ड ईटीएफ्सनी गुंतवणूकदारांना बंपर रिटर्न्स मिळवून दिले आहेत.तब्बल 21% पर्यंत रिटर्न देणाऱ्या टॉप गोल्ड फंड्स आहेत याची संपूर्ण लिस्ट जाणून घेऊया.

UTI Gold ETF 21.68%, HDFC Gold ETF 21.37%, Invesco India Gold ETF FoF 21.10%, DSP Gold ETF FoF 21.08%, LIC MF Gold ETF 21.08%, Quantum Gold Savings 20.99%, SBI Gold Fund 20.80%, ICICI Pru Gold ETF 20.47%

गोल्ड म्हणजेच 'सेफ इन्व्हेस्टमेंट' – जेव्हा शेअर बाजार कोसळतो, तेव्हा जगभरात गुंतवणूकदार सोने खरेदी करण्याची स्पर्धा करत आहेत. गेल्या काही महिन्यांत अमेरिका आणि युरोपात मंदीचे संकट, रशिया-युक्रेन युद्धाचा परिणाम, क्रूड ऑइलचे वाढते दर आणि भारतात महागाईचा झटका या सगळ्याचा परिणाम गोल्ड मार्केटवर झाल्याचं पाहायला मिळालं आहे.