Mumbai train blasts : आरडाओरड, किंकाळ्या आणि पळापळ! 2006 मधील ब्लास्ट किती भीषण होता? पाहा त्यावेळीचे 11 Photos

उच्च न्यायालयाने म्हटलं की, अभियोक्ता पक्ष आरोपींविरुद्धचा खटला सिद्ध करण्यात अपयशी ठरला. न्यायमूर्ती अनिल किलोर आणि न्यायमूर्ती श्याम चांडक यांच्या विशेष खंडपीठाने हा निकाल दिला.

सरकारी वकिलांनी सादर केलेले पुरावे आरोपींना दोषी ठरवण्यासाठी निर्णायक नाहीत, असंही खंडपिठाने म्हटलं आहे. लोकल ट्रेनमध्ये 11 मिनिटांत सात बॉम्बस्फोट झाले होते. माटुंगापासून बोरीवलीपर्यंत संपूर्ण मुंबई हादरली होती.

11 जुलै 2006 रोजी मुंबईतील पश्चिम उपनगरीय भागात सात गाड्यांमध्ये साखळी स्फोट झाले होते. यामध्ये 180 प्रवासी मृत्युमुखी पडले होते आणि 824 लोक जखमी झाले होते.

स्फोट इतका जोरदार होता की ट्रेनच्या डब्याचे तुकडे झाले. पोलिसांनी आरोपपत्रात 30 जणांना आरोपी म्हणून नाव दिले होते. त्यापैकी 13 जण पाकिस्तानी नागरिक असल्याचे आढळून आले.

खार, वांद्रे, जोगेश्वरी, माहीम, बोरिवली, माटुंगा आणि मीरा-भाईंदर रेल्वे स्थानकाजवळ हे स्फोट झाले. गाड्यांमध्ये लावलेले बॉम्ब आरडीएक्स, अमोनियम नायट्रेट, इंधन तेल आणि खिळ्यांपासून बनलेले होते.

लोकल ट्रेनमधील सर्व स्फोट मुंबईच्या पश्चिम रेल्वेवरील लोकल ट्रेनच्या प्रथम श्रेणीच्या डब्यात करण्यात आले. 11 जुलै 2006 रोजी सायंकाळी 6:24 ते 6:35 या वेळेत मुंबईत एकामागून एक सात स्फोट झाले.

पोलिसांच्या म्हणण्यानुसार, मार्च 2006 मध्ये, लष्कर-ए-तैयबाच्या आझम चीमाने बहावलपूरमधील त्याच्या घरात सिमी आणि लष्करच्या दोन गटांच्या प्रमुखांसह या स्फोटांचा कट रचला होता.

पोलिसांनी दाखल केलेल्या आरोपपत्रात 30 आरोपींची नावे होती. त्यापैकी 13 जणांची ओळख पाकिस्तानी नागरिक म्हणून झाली होती. त्यानंतर पोलिसांनी काही जणांना ताब्यात घेतलं होतं.

विशेष मकोका न्यायालयाने 11 सप्टेंबर 2015 रोजी निकाल दिला होता. त्यावेळी 13 आरोपींपैकी 5 दोषींना मृत्युदंड, 7 जणांना जन्मठेपेची शिक्षा आणि एका आरोपीची निर्दोष मुक्तता केली होती.

त्यानंतर 2016 मध्ये आरोपींनी मुंबई उच्च न्यायालयात धाव घेतली, खटला 9 वर्षे चालला. त्यानंतर 2019 मध्ये सुनावणी सुरू केली अन् आता 2025 मध्ये निकाल लागला आहे.

दरम्यान, राज्यातील विविध तुरुंगांमधून व्हिडिओ कॉन्फरन्सिंगद्वारे न्यायालयात हजर करण्यात आलेल्या आरोपींनी उच्च न्यायालयाचा निकाल ऐकल्यानंतर आपल्या वकिलांचे आभार मानले.