पुण्यात पोटच्या गोळ्यानेच जन्मदात्याला धगधगत्या आगीत ढकललं; वडिलांचा मृत्यू, धक्कादायक कारण समोर

रवींद्र उद्धव भालेराव (वय ६१) असे मृताचे नाव असून, त्यांचा मुलगा सागर (वय २८) याने हा अघोरी प्रकार केला. भालेराव हे सुतारकाम करून कुटुंबाचा उदरनिर्वाह करत होते. पोलीस तपासात समोर आलेल्या माहितीनुसार, बाप-लेक दोघांनाही दारूचे व्यसन होते. शनिवारी (७ फेब्रुवारी) रात्री दोघेही नशेत असताना त्यांच्यात घरगुती कारणावरून कडाक्याचे भांडण झाले. या भांडणाचे रूपांतर रागात झाले आणि सागरने घरातील पेट्रोल वडिलांच्या अंगावर ओतून त्यांना पेटवून दिले.