Expressway Accident : मुंबई- पुणे एक्सप्रेस वेवर विचित्र अपघात, ट्रक पलटी; वाहतूक विस्कळीत

मुंबई-पुणे यशवंतराव चव्हाण एक्सप्रेस अपघात झाल्याची माहिती समोर आली आहे.

एक मालवाहू ट्रक अपघातस्थळी पलटी झाला असून यात चालक आणि क्लिनर अडकले होते.

खंडाळा आणि खोपोलीच्या हद्दीत, किलोमीटर ४१ या दरम्यान एचओसी ब्रिजच्या खाली, मुंबईकडे जाणाऱ्या लेनवर हा अपघात झाला आहे.

प्राथमिक माहितीनुसार, दोन व्यक्ती या ट्रकमध्ये अडकल्या असल्याची भीती व्यक्त केली जात आहे.

घटनास्थळी रेस्क्यू टीम तत्काळ दाखल झाली असून, बचावकार्य सुरू आहे.

अपघातात जखमींना तातडीने रुग्णालयात हलविण्यात आले असून, वाहतूक पोलिसांनी त्या परिसरातील रहदारी सुरळीत ठेवण्यासाठी प्रयत्न सुरू केले आहेत.

पोलीस अधिकाऱ्यांकडून अपघाताचे नेमके कारण आणि जखमींची ओळख अद्याप स्पष्ट करण्यात आलेली नाही