२६ वर्षांनी आली संधी! नाशिक महापौर पदासाठी १६ जणी मैदानात, वाचा संपूर्ण यादी

नाशिक : महापालिकेच्या आरक्षण सोडतीत तब्बल २६ वर्षांनंतर महापौरपद खुल्या प्रवर्गातील महिलेसाठी राखीव झाल्याने नाशिकच्या राजकारणात मोठी हालचाल सुरू झाली आहे. १९९९ मध्ये डॉ. शोभा बच्छाव यांनी हे पद भूषवले होते. त्यानंतर पहिल्यांदाच खुल्या प्रवर्गातील महिला महापौर होणार असल्याने इच्छुकांमध्ये जोरदार लॉबिंग सुरू झाले आहे. आगामी सिंहस्थ कुंभमेळ्याच्या पार्श्वभूमीवर भाषा प्रभुत्व, प्रशासकीय अनुभव, नेतृत्व क्षमता आणि राजकीय समन्वय या निकषांवरून भाजपमधील महिला नगरसेविकांमध्ये चुरशीची स्पर्धा पाहायला मिळत आहे.