पीडितांसाठी वाघीण तर राजकीय दबाव राजकारण्यांसाठी अडथळा! कोण आहेत दबंग लेडी IPS ऑफिसर दमयंती सेन?

पीडित, बुजलेल्या, अडलेल्या आणि संकटात सापडलेल्या लोकांसाठी ढाल बनून उभ्या राहणाऱ्या आणि दुष्टांसाठी काळ बनलेल्या पीडितांसाठी वाघिणीसारखं लढणाऱ्या या महिला IPS ऑफिसर, ज्या फार कमी लोकांना माहिती आहेत. ज्यांनी राजकीय दबाव असतानाही पीडितेला न्याय मिळवून दिला.

फेब्रुवारी 2022 मध्ये कोलकाता इथे पार्क स्ट्रीट परिसरात एका महिलेवर सामूहिक अत्याचाराची घटना घडली. न्याय मागण्यासाठी पीडित पोलीस ठाण्यात पोहोचली. या महिलेला न्याय मिळू नये यासाठी राजकीय दबाव टाकण्यात आला. महिलेलाच खोटं ठरवण्यात आलं. ही केस बंद करावी यासाठी महिला ऑफिसरवर दबाव टाकण्यात आला. मात्र या कशालाच त्या घाबरल्या नाहीत आणि बळी पडल्या नाहीत.

IPS ऑफिसर दमयंती सेन या जॉईंट कमिश्नरपदावर होत्या. त्यांनी महिलेची संपूर्ण बाजू ऐकून घेतली. दबाव असल्यामुळे त्यांनी कोणताही गाजावाजा न करता आपलं काम सुरू ठेवलं. त्यांनी CCTV फुटेज, लोकांची चौकशी करणं या गोष्टी सुरू ठेवल्या आणि अखेर त्यांच्या प्रयत्नाला यश मिळालं.

अफवा, बदनामीचा प्रयत्न, राजकीय दबाव या कोणत्याच गोष्टीला त्या बळी पडल्या नाहीत. अखेर आरोपींच्या मुस्क्या त्यांनी आवळल्या. हा विजय त्यांच्या एकट्याचा नव्हता तर सिस्टीमच्या विरोधात जाऊन दबाव आणणाऱ्यांना हा एक धडा होता. न्याय मिळल्याशिवाय राहणार नाही आणि सिस्टीम बिकावू नाही.

किती पैसे, राजकीय दबाव याचा वापर केला तरी विकलं जाणार नाही हा यामधून एक थेट संदेश होता. त्यांच्या या कारवाईनंतर जगभरात त्यांचं कौतुक झालं. मात्र ज्यांच्यासाठी राजकीय अडथळा ठरत होत्या त्यांनी मात्र दमयंती सेन यांनी ट्रान्सफर वर ट्रान्सफरचे लेटर दिले.