148 वर्षांच्या क्रिकेट इतिहासात 'विराट पराक्रम', सर डॉन ते God तेंडुलकर कोणालाच जमला नाही असा विक्रम

क्रिकेट इतिहासत बरेच दिग्गज खेळाडू आहेत ज्यांनी अनेक विक्रम केले आहेत. अशातच काही तरुण खेळाडू देखील या दिग्गज खेळाडूंचा पाऊलावर पाऊल ठेवून क्रिकेट जगात अनेक इतिहास घडवत आहेत.

सध्या भारतीय संघ घरचा मैदानात एकदिवसीय क्रिकेट सामने खेळत आहे. भारत विरुद्ध साऊथ आफ्रिका हा सामना रांची येथे खेळवला जात आहे. अशातच भारत सध्या चांगल्या फॉर्ममध्ये दिसत आहे. पण याहून अधिक लक्षणीय गोष्ट म्हणजे भारताचा स्टार फलंदाज विराट कोहली उत्तम फॉर्ममध्ये दिसून येत आहे.

भारतीय संघाचा स्टार फलंदाज विराट कोहलीने रविवारी इतिहास रचला. तो घरच्या मैदानावर झालेल्या एकदिवसीय सामन्यांमध्ये सर्वाधिक 50 पेक्षा जास्त धावा करणारा फलंदाज बनला. या कामगिरीत त्याने महान सचिन तेंडुलकरला मागे टाकले आहे.

किंग कोहलीच्या बॅटने टायमिंग साधत दमदार कामगिरी केली. त्याने साउथ आफ्रिकेविरुद्ध फक्त 48 चेंडूत त्याच्या एकदिवसीय कारकिर्दीतील 76 वे अर्धशतक पूर्ण केले. यासह त्याने एक मोठी कामगिरीही केली.

कोहलीने 59 वेळा हा पराक्रम केला. तर, सचिन तेंडुलकरने 58 वेळा एकदिवसीय सामन्यात 50 पेक्षा जास्त धावांची खेळी खेळली. दक्षिण आफ्रिकेचा जॅक कॅलिस तिसऱ्या स्थानावर आहे तर ऑस्ट्रेलियाचा रिकी पॉन्टिंग चौथ्या स्थानावर आहे.

सध्या भारत आणि साउथ आफ्रिका यांच्यात सुरु असलेल्या एकदिवसीय सामन्यात विराट कोहली 87 नाबाद धावांसह खेळत आहे. विराट मैदानात टिकून राहिला तर तो सेंचुरी पूर्ण करण्याची दाट शक्यता आहे. असं केल्यास तो क्रिकेटचा देव सचिन तेंडुलकर आणि ब्रॅडमन यांनाही मागे टाकेल आणि रेकॉर्ड ब्रेक करेल.

अखेर विराटने करून दाखवलच. 148 वर्षांच्या इतिहासत जे कोणालाच जमलं नाही ते विराटने केलं. साऊथ आफ्रिकेविरुद्धच्या एकदिवसीय सामन्यात चौका मारत विराटने त्याची सेंचुरी पूर्ण केली आहे.