Ashadhi Wari 2024 : संत तुकाराम महाराजांच्या पालखीची खिल्लारी जोड पाहिली का? PHOTOS पाहून प्रेमात पडाल

जगद्गुरु श्री संत श्रेष्ठ तुकाराम महाराजांच्या 339 व्या पालखी प्रस्थानाची तयारी सुरू आहे.

देहू ते पंढरपूर आणि पंढरपूर ते देहु दरम्यान पालखी रथ ओढण्याचा मान यंदा चिखलीच्या बाळासाहेब मळेकर यांच्या नंद्या व संद्या या खिल्लार जातीच्या बैलजोडीला मिळाला आहे.

यंदा चौघडा गाडीसाठी ओढण्यासाठी सात ते आठ बैलजोडी मालकांचे अर्ज आले होते, त्यात मळेकर यांची बैल जोडी शारीरिक व वैद्यकीय दृष्ट्या भक्कम असल्यानं त्यांना हा मान मिळाला आहे.

या बैलजोडीची निवड करताना बैलांची शिंगे, उंची, डोळे, पायाची खुरे, चालण्याची ऐट सर्व काही बाबी तपासल्या गेल्या. यानंतरच या बैल जोडीची निवड करण्यात आली आहे.

गेली दहा वर्ष प्रयत्न करत असताना यंदा हा मान मळेकर कुटुंबियांना मिळाला आहे. संत तुकाराम महाराजांच्या पालखी सोहळ्याला सेवा देण्याचा बहुमान मिळाल्याने कुटुंबात आनंदच वातावरण आहे.

मळेकर कुटुंबियांच्या वतीने या बैलजोडीचा कसून सराव घेतला जात आहे. त्यांना गर्दीच्या ठिकाणी सुद्धा घेऊन जाण्यात येत आहे.

या बैलजोडीच्या आरोग्याची व खाण्यापिण्याची देखील योग्य निगा हे मळेकर कुटुंब घेत आहे.

संत तुकाराम महाराजांच्या पालखी रथापुढे चौघडागाडी ओढण्याचा मान आम्हाला मिळणं आमचं भाग्य असल्याची प्रतिक्रिया मळेकर कुटुंबीयांनी दिली आहे.