Weather Alert: महाराष्ट्रावर पुढील 3 दिवस अस्मानी संकट, हवामान विभागाकडून अलर्ट

राज्यातील कोकण, गोवा, मध्य महाराष्ट्र आणि मराठवाड्यात अनेक ठिकाणी मुसळधार पावसाची शक्यता आहे. विदर्भातही जोरदार ते अति जोरदार पावसाची शक्यता हवामान विभागाने वर्तवली आहे.

4 सप्टेंबर रोजी राज्यातील तब्बल 9 जिल्ह्यांना हवामान विभागाने ऑरेंज अलर्ट जारी केला आहे. पाहुयात 4 सप्टेंबर रोजी राज्यामध्ये हवामानाची स्थिती कशी असेल.

मुंबईसह कोकणामध्ये साधारणपणे ढगाळ आकाश राहील, तर मुंबईमध्ये अनेक ठिकाणी मुसळधार पावसाची शक्यता आहे. पालघर, ठाणे, रायगड, रत्नागिरीला ऑरेंज तर सिंधुदुर्गला यलो अलर्ट हवामान विभागाने जारी केलाय.

पुण्याच्या घाट भागाला ऑरेंज तर पुण्याला यलो अलर्ट जारी करण्यात आला आहे. साताऱ्याच्या घाट भागाला यलो अलर्ट तर कोल्हापूरच्या घाट भागाला ऑरेंज अलर्ट जारी करण्यात आला आहे.

नाशिक आणि नाशिकचा घाट परिसर, धुळे, नंदुरबार जिल्ह्याला ऑरेंज अलर्ट तर अहिल्यानगर आणि जळगाव जिल्ह्याला यलो अलर्ट हवामान विभागाकडून जाहीर करण्यात आला आहे.

मराठवाड्यात संभाजीनगर आणि जालना या दोन जिल्ह्यांना हवामान विभागाने 4 सप्टेंबर रोजीसाठी यलो अलर्ट जारी केला आहे. विदर्भातील बुलढाणा, अकोला, अमरावती, वर्धा, चंद्रपूर, नागपूर, भंडारा-गोंदिया आणि गडचिरोली या जिल्ह्यांना यलो अलर्ट जारी करण्यात आला आहे.

एकंदरीत चार, पाच आणि सहा सप्टेंबर रोजी राज्यातील कोकण आणि मध्य महाराष्ट्रात पाऊस सक्रिय राहणार आहे, तर विदर्भ मराठवाड्यातून पावसाची सक्रियता कमी होण्याची शक्यता आहे.