Weather alert: घरी राहा! मुंबईसह राज्यात 24 तास धोक्याचे, 2 जिल्ह्यांना ऑरेंज तर 11 शहरांना यलो अलर्ट जारी

काही दिवस दमदार बरसल्यानंतर राज्यातील मध्य महाराष्ट्र आणि मराठवाड्यातून पावसाने काहीशी विश्रांती घेतली असल्याचे चित्र आहे. परंतु मुंबई, ठाणे, कोकण किनारपट्टीमधील सर्व जिल्ह्यांमध्ये मुसळधार पाऊस होत आहे.

पुढील दोन-तीन दिवस देखील विदर्भ आणि कोकण किनारपट्टी तीन जिल्ह्यांमध्ये जोरदार ते अति जोरदार पावसाचा इशारा हवामान विभागाने दिला आहे. कोकणातील रायगडला सकाळी 8 वाजेपर्यंत रेड अलर्ट तर मुंबईसह कोकणातील उर्वरित सर्व जिल्ह्यांना ऑरेंज अलर्ट हवामान विभागाने जारी केला आहे. 17 जून रोजी राज्यात हवामान कसं असेल पाहुयात.

मुंबईमध्ये आज सकाळपासूनच मुसळधार पाऊस होत आहे तर 17 जून रोजी देखील मुंबईत मध्यम पावसाचा इशारा हवामान विभागाकडून देण्यात आला आहे. 17 जून रोजी, रायगड, रत्नागिरी आणि सिंधुदुर्ग जिल्ह्यामध्ये मुसळधार पावसाची शक्यता आहे. रत्नागिरी आणि सिंधुदुर्गला ऑरेंज अलर्ट जारी करण्यात आला आहे.

उत्तर महाराष्ट्रातील नाशिक आणि नाशिकचा घाट परिसर त्याचबरोबर अहिल्यानगर, जळगाव, धुळे, नंदुरबार या जिल्ह्यांमध्ये तालुक्यातील मध्यम पावसाची शक्यता आहे.

तर पश्चिम महाराष्ट्रात पुण्यात मध्यम तर पुण्याच्या घाट परिसरात तसेच सातारा आणि कोल्हापूरच्या घाट परिसरात मुसळधार पावसाची शक्यता हवामान विभागाने वर्तवली आहे. सोलापूरमध्ये ही मध्यम पावसाची शक्यता आहे.

मराठवाड्यातील सर्व जिल्ह्यांमधून पावसाचा जोर ओसरत आहे. संभाजीनगर, जालना, परभणी, हिंगोली, बीड, धाराशिव, लातूर, नांदेड सह सर्व जिल्ह्यांमध्ये तुरळ ठिकाणी हलका पाऊस वगळता कुठेही जोरदार किंवा मुसळधार पावसाची शक्यता नाही.

तर विदर्भातील सर्व जिल्ह्यांना हवामान विभाग आणि यलो अलर्ट जारी केला आहे त्यामुळे विदर्भातील अमरावती, अकोला, बुलढाणा, यवतमाळ, वाशिम, चंद्रपूर, नागपूर, वर्धा, भंडारा, गोंदिया आणि गडचिरोली या सर्व जिल्ह्यात मध्यम पावसाची शक्यता आहे. तर नागपूर, गडचिरोली आणि भंडारा या तीन जिल्ह्यांमध्ये तुरळक ठिकाणी मुसळधार पावसाची शक्यता हवामान विभागाने वर्तवली आहे.