घरात खूप कॅश यायची, अशोक खरातच्या मुलानं एकाच प्रश्नावर उघडलं तोंड, बाकी प्रश्नांना काय उत्तर दिलं?

नाशिकचा भोंदूबाबा अशोक खरात प्रकरणाचा गुंता अधिकच वाढत चालला आहे. दररोज नवनवीन खुलासे समोर येत आहेत. गेल्या दोन दिवसांपासून खरातच्या मुलाची एसआयटीकडून कसून चौकशी सुरू आहे. मात्र तो पोलिसांना गुगली देताना दिसत आहे.

त्याच्याकडून माहिती काढून घेणं, पोलिसांसाठी मोठं आव्हान ठरत आहे. तो प्रत्येक प्रश्नाला एकच उत्तर देत असल्याची माहिती मिळत आहे. त्याने केवळ एकाच प्रश्नाला अपेक्षित उत्तर दिलं आहे.

घरात खूप कॅश यायची, अशी माहिती मुलानं पोलीस चौकशीत दिली आहे. यामुळं अशोक खरातचं हवालाशी कनेक्शन असल्याचा संशय बळावला आहे. मात्र व्यतिरिक्त विचारलेल्या प्रत्येक प्रश्नावर अशोक खरातच्या मुलाने एकच उत्तर दिलं आहे.

पोलिसांनी अशोक खरातच्या मुलावर परदेश दौरे आणि तंत्र मंत्रासंबंधी प्रश्नांची सरबत्ती केली. वडील तंत्र मंत्र करायचे का? असा प्रश्न विचारला असता मुलाने मौन धारण केलं. हे सगळं डॅडला माहीत आहे, असं उत्तर दिलं.

वडिलांना भेटायला कोण येत होतं? या प्रश्नावर देखील त्याने हेच उत्तर दिलं.

बहिणीच्या लग्नात किती सोनं घेतलं? या प्रश्नावर देखील त्याला योग्य उत्तर देता आलं नाही. त्याने स्वत:चा बचाव करत याबाबत डॅडला माहीत आहे, असंच उत्तर दिलं.

घरातील खर्च कसा चालायचा? यावरही त्याला योग्य उत्तर देता आलं नाही.

आई कुणाकडे पैसे द्यायची? या प्रश्नाला देखील त्याने सेमच उत्तर दिलं. एकूणच अशोक खरातचा मुलगा अत्यंत सावध पद्धतीने उत्तर देत असल्याचं पोलिसांनी सांगितलं.