PSL मध्ये राडा! मोईन अलीच्या अंगावर का धावून गेला? डेव्हिड वॉर्नरने सांगितलं खरं कारण? Video

व्हायरल झालेल्या व्हिडीओमध्ये, ऑस्ट्रेलियाचा माजी क्रिकेटर डेव्हिड वॉर्नर आणि इंग्लंडचा माजी ऑलराउंडर मोईन अली हे दोघंही पीएसएल 2026 मध्ये कराची किंग्सकडून खेळत आहेत. बुधवारी कराची आणि पिंडीज यांच्यात या सिझनमधील 10 वा मुकाबला पार पडला. ही मॅच संपल्यानंतर वॉर्नर आणि मोईन यांच्यात अचानक वातावरण तापलं. वॉर्नर प्रचंड रागात काहीतरी बोलताना दिसत होता, अखेर टीममधील एका सदस्याने मध्यस्थी करून हा वाद मिटवल्याचे पाहायला मिळालं.

पण डेव्हिड वॉर्नरने हा वाद झालेला व्हिडीओ फेटाळून लावला असून असं कोणतंही भांडण झालं नाही, असं म्हटलं आहे. मी हैदर अझहरला आधी जाऊन हँडशेक करायला सांगितलं होतं, अशी प्रतिक्रिया डेव्हिड वॉर्नरने या व्हिडीओवर दिली आहे. तसेच आमची मस्करी चालू होती, असंही अझहरने यावेळी सांगितलं. सोशल मीडियावर त्याने याबाबत पोस्ट केली आहे.

दरम्यान, लाहौरच्या गडाफी स्टेडियमवर झालेल्या या मॅचमध्ये कराची किंग्सने टॉस जिंकून प्रथम बॉलिंग करण्याचा निर्णय घेतला होता. पिंडीजने प्रथम बॅटिंग करताना 20 ओव्हरमध्ये 6 विकेट्स गमावून 197 रन उभारले होते. पिंडीजसाठी डॅरिल मिचेलने सर्वाधिक 65 रनची खेळी केली, तर कराचीसाठी हसन अलीने सर्वात जास्त तीन विकेट्स घेतल्या. 198 रनचे मोठे टार्गेट समोर असतानाही कराचीच्या बॅटर्सनी दमदार कामगिरी केली.

दरम्यान, कराची किंग्सने हे लक्ष्य 19.2 ओव्हरमध्ये यशस्वीरित्या गाठले. आझम खानने 74 रनची तुफानी खेळी केली, तर कॅप्टन डेव्हिड वॉर्नरने 50 रन बनवून विजयात मोलाचा वाटा उचलला. विजयानंतर आनंद साजरा करण्याऐवजी वॉर्नर आणि मोईन अली यांच्यात झालेला हा कथित वाद आता चर्चेचा विषय ठरत आहे.