नवरात्री लाभणार! बुध ग्रहाचा तूळप्रवेश सुख घेऊन येणार, यात आहे का तुमची रास?

गणेशोत्सव अगदी मागच्याच आठवड्यात पार पडल्यासारखा वाटतोय, तोच नवरात्रोत्सव उद्यावर आहे. हे नऊ दिवस अत्यंत प्रसन्न वातावरण असेल यात काही शंका नाही. परंतु याच काळात 19 ऑक्टोबरच्या रात्री बुध ग्रह तूळ राशीत प्रवेश करणार आहे. विशेष म्हणजे शुक्राच्या या राशीत बुध ग्रहाचा प्रवेश होणार असून तिथे मंगळ, सूर्य आणि केतू आधीपासूनच विराजमान असतील. त्यामुळे ग्रहांच्या या स्थितीचा सर्व 12 राशींवर प्रभाव पडेल.

पंचांगानुसार, 15 ऑक्टोबरला शारदीय नवरात्रोत्सवाला सुरुवात होणार आहे, तर 19 ऑक्टोबरच्या रात्री 1 वाजून 30 मिनिटांनी बुध ग्रहाचा तूळ राशीत प्रवेश होईल. 6 दिवस या ग्रहाचा इथंच मुक्काम असेल. हा ग्रहप्रवेश कोणत्या राशींसाठी सुख घेऊन येणार, पाहूया.

कर्क : आपल्यासाठी हा ग्रहप्रवेश अत्यंत लाभदायी ठरेल. या काळात आपल्या उत्पन्नात वाढ होईल, परिणामी आपली आर्थिक स्थिती समाधानकारक राहील. घरातील वातावरणही आनंदाचं असेल.

तूळ : आपल्या कुटुंबात अत्यंत आनंदाचं वातावरण असेल. व्यापार विस्तारेल. एकूणच आपल्याला सर्वत्र सकारात्मकता जाणवेल.

मकर : आपल्याला भाग्य उत्तम साथ देईल. व्यापार विस्तारेल, एखादी नवी आनंदाची बातमी मिळेल. उत्पन्नाचे नवे स्रोत निर्माण होतील.