सुख, वैभवकारक शुक्र झाला वक्री, आता 4 राशींच्या व्यक्ती होणार खूप सुखी!

ज्योतिषशास्त्रात प्रत्येक ग्रहाला विशिष्ट महत्त्व आहे. शुक्र ग्रहाला म्हणतात सुख, वैभवकारक. असं म्हटलं जातं की, ज्या राशींवर शुक्र ग्रहाची कृपा होते, त्या राशींच्या व्यक्तींना धनसंपत्ती अुभवायला मिळते.

अयोध्येतील प्रसिद्ध ज्योतिषी पंडित कल्की राम यांनी दिलेल्या माहितीनुसार, 2 मार्चला मीन राशीत शुक्र ग्रह वक्री झाला. आता 13 एप्रिल रोजी शुक्र मार्गी होईल, परंतु 31 मेपर्यंत त्याचा मुक्काम मीन राशीतच असेल. त्यानंतर मेष राशीत शुक्राचा प्रवेश होईल. सध्या मीन राशीत शुक्र वक्री झाल्याचा अत्यंत सकारात्मक प्रभाव काही राशींच्या व्यक्तींच्या आयुष्यावर पडला आहे. त्यामुळे या भाग्यवान राशी नेमक्या कोणत्या आहेत, जाणून घेऊया.

मेष : या राशीच्या व्यक्तींसाठी काळ अतिशय लाभदायी आहे. आयुष्यातल्या विविध समस्या आता दूर होतील. नोकरीच्या शोधात असाल तर आता मनासारखी संधी मिळण्याची शक्यता आहे. जे दाम्पत्य बाळासाठी प्रयत्न करत असतील, त्यांना गुड न्यूज मिळू शकते. महत्त्वाचं म्हणजे या व्यक्तींवर शुक्रदेवांची सध्या विशेष कृपा आहे.

मिथुन : या राशीच्या व्यक्तींसाठी करियरबाबत काहीतरी सकारात्मक घडेल. आर्थिक अडचणी सोसाव्या लागतील, मात्र काळ सकारात्मक आहे. परदेशी प्रवासाचा योग आहे. गरजू व्यक्तींना पांढऱ्या वस्तू दान करणं फायद्याचं ठरेल.

सिंह : या राशीच्या व्यक्तींच्या कुटुंबात अत्यंत आनंदी वातावरण नांदेल. करियरमध्ये पूर्ण ऊर्जेनं मेहनत कराल त्यामुळे यशही तसंच भरभरून मिळेल. आयुष्य सुख, समृद्धीनं संपन्न होईल. समाजात मान-सन्मान वाढेल.

वृश्चिक : या राशीच्या व्यक्तींचा कामकाज आता विस्तारेल. रखडलेली सगळी कामं हळूहळू मार्गी लागतील. कोर्ट-कचेरीच्या कामांमध्ये यश मिळेल.

सूचना : इथं दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज18 मराठी त्याची हमी देत नाही.