मंगळ दोष, साडेसातीसारखे प्रॉब्लेम्स होतील झटक्यात दूर, सर्व संकटातून होईल सुटका; आज 'हे' 6 उपाय कराच!

ज्योतिषशास्त्राच्या दृष्टीने यंदाचा जन्मोत्सव अत्यंत महत्त्वाचा आहे, कारण आज अनेक शुभ योगांचा दुर्मिळ संगम झाला आहे. ज्यांच्या कुंडलीत मंगळ दोष किंवा शनीची साडेसाती सुरू आहे, त्यांच्यासाठी आजचा दिवस 'वरदान' ठरू शकतो. संकटमोचन हनुमानाची उपासना केल्याने ग्रहांचे अशुभ प्रभाव नष्ट होतात आणि जीवनातील सर्व संकटांतून मुक्ती मिळते.

सिंदूर आणि चमेलीचे तेल अर्पण करा: हनुमानाला शेंदूर अत्यंत प्रिय आहे. आज मारुतीच्या मूर्तीला शेंदूर आणि चमेलीचे तेल अर्पण केल्याने 'मंगळ दोष' दूर होतो. यामुळे अपघाताची भीती टळते आणि आत्मविश्वास वाढतो. महिलांनी प्रत्यक्ष स्पर्श न करता दुरूनच शेंदूर अर्पण करावा.

पिंपळाच्या पानांचा चमत्कारिक उपाय: आर्थिक तंगी आणि शनीच्या पिडेपासून मुक्ती मिळवण्यासाठी 11 पिंपळाची पाने घ्या. ती स्वच्छ धुवून त्यावर चंदनाने किंवा शेंदूराने 'श्री राम' लिहा. या पानांची माळ तयार करून हनुमानाला अर्पण करा. यामुळे तुमची रखडलेली कामे मार्गी लागतील.

बजरंग बाण आणि हनुमान चालीसा पठण: जर तुम्ही मानसिक तणाव किंवा शत्रूंच्या त्रासाने त्रस्त असाल, तर आज हनुमान मंदिरात बसून 'बजरंग बाण' आणि 'हनुमान चालीसा' यांचे किमान 7 वेळा पठण करा. यामुळे घरातील नकारात्मक ऊर्जा नष्ट होईल आणि मारुतीरायाचे संरक्षण कवच लाभेल.

शनी दोषासाठी मोहरीच्या तेलाचा दिवा: शनीच्या साडेसातीचा किंवा ढैयाचा त्रास कमी करण्यासाठी आज संध्याकाळी हनुमान मंदिरात मोहरीच्या तेलाचा दिवा लावावा. त्यात दोन काळे मिरी किंवा लवंग टाकावे. शनी देवाने हनुमंताच्या भक्तांना त्रास न देण्याचे वचन दिले आहे, त्यामुळे हा उपाय अत्यंत फलदायी ठरतो.

विशेष नैवेद्य आणि दान: मारुतीला आज बुंदीचे लाडू, बेसनाचे लाडू किंवा केळी यांचा नैवेद्य दाखवावा. हा प्रसाद गरिबांना किंवा गरजू मुलांना वाटल्याने प्रभू श्रीराम आणि हनुमान दोघेही प्रसन्न होतात. यामुळे घरातील अन्नाची आणि धनाची कमतरता दूर होते.

रामनामाचा जप: हनुमानाला प्रसन्न करण्याचा सर्वात सोपा मार्ग म्हणजे प्रभू श्रीरामांचे नाव घेणे. आज दिवसभरात जास्तीत जास्त वेळा 'श्री राम जय राम जय जय राम' या मंत्राचा जप करा. जिथे रामनाम घेतले जाते, तिथे हनुमानजी स्वतः अदृश्य रूपात उपस्थित राहून भक्ताचे रक्षण करतात. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)