कोण आहे नवी नॅशनल क्रश? स्मृतीसोबत खेळते टीम इंडियाकडून,सगळीकडे 20 वर्षीय खेळाडूची चर्चा

गेल्या अनेक वर्षापासून स्मृती मानधना टीम इंडियाची क्रश होती आणि अजून आहे देखील.पण आवडत्या आणि सुंदर खेळाडुंमध्ये तिला आता अनेकांनी मागे टाकले आहे.

स्मृती मानधनाला 20 वर्षाच्या एका खेळाडूने मागे टाकले आहे. कारण क्रिकेट फॅन्सनी आता या युवा महिला खेळाडूला नॅशनल क्रश मानलं आहे.

ही खेळाडू दुसरी तिसरी कुणी नसून 20 वर्षीय वैष्णवी शर्मा आहे. तिने नुकतीच भारत विरूद्ध श्रीलंका सामन्यात डेब्यू केला होता.या डेब्यूनंतरच ती प्रचंड चर्चेत आली आहे.

वैष्णवी शर्मा ही याआधी अंडर 19 वुमेन्स टीममध्ये खेळत होती, तिने वुमेन्स टी20 वर्ल्ड कपमध्ये एकटीने 17 विकेटस घेतले होते.

वैष्णवीच्या या कामगिरीनंतर तिला टीम इंडियाच्या महिलांच्या सिनिअर संघात एन्ट्री देण्यात आली होती.

ग्वाल्हेरमध्ये जन्मलेल्या वैष्णवीने चंबल प्रदेशातून देशाचे प्रतिनिधित्व करणारी पहिली खेळाडू म्हणून भारतीय क्रिकेट इतिहासात आधीच एक वेगळे स्थान निर्माण केले आहे. तिने अगदी लहान वयातच खेळाला सुरुवात केली आणि तिने फक्त पाच वर्षांची असताना औपचारिक प्रशिक्षण सुरू केले.

2022-23 च्या ज्युनियर डोमेस्टिक हंगामात तिने जगमोहन दालमिया ट्रॉफी जिंकली तेव्हा तिच्या सुरुवातीच्या प्रतिभेला मान्यता मिळाली.

"जेव्हा वैष्णवीचा जन्म झाला, तेव्हा आम्ही तिची कुंडली काढली आणि तिच्याकडे यशाचे दोन मार्ग आहेत.औषध आणि खेळ.त्यावेळी मला वाटले की जर ती डॉक्टर झाली तर शहर तिला ओळखेल,परंतु जर ती खेळात यशस्वी झाली तर जग तिला ओळखेल,असे वैष्णवीचे वडील डॉ. नरेंद्र शर्मा यांनी सांगितले.

वैष्णवीच्या वरिष्ठ पदार्पणात विकेट्स मिळाल्या नसतील, पण त्यातून तिचा स्वभाव दिसून आला. तिने चार षटकांत फक्त 16 धावा दिल्या आणि रात्री भारताची सर्वात किफायतशीर गोलंदाज म्हणून उदयास आली.

दरम्यान आता वैष्णवी शर्मा या मालिकेत कशी कामगिरी करते. हे पाहणे महत्वाचे ठरणार आहे.