IPL लिलावात अनसोल्ड गेले तर करिअर संपणार, 5 दिग्गज खेळाडूंनी सुरू केला देवाचा धावा!

दीपक हुड्डाने भारताकडून टी-20 आंतरराष्ट्रीय सामन्यात शतक झळकावलं, पण आयपीएलमध्ये त्याला स्वतःला सिद्ध करता आलेलं नाही. आयपीएलच्या मागच्या मोसमात दीपक हुड्डा अपयशी ठरला, यानंतर सीएसकेने त्याला रिलीज केलं.

राहुल त्रिपाठीला एकेकाळी टीम इंडियाचा पुढचा स्टार म्हणून मानलं जात होतं, पण त्याची आयपीएलमधील कारकीर्द हळूहळू घसरत चालली आहे. 2022 च्या मेगा ऑक्शनमध्ये केकेआरसोबत ब्रेकअप झाल्यानंतर राहुल त्रिपाठीची कारकीर्द बहरली नाही. राहुलही मागच्या मोसमात सीएसकेकडे होता, पण खराब कामगिरीनंतर त्यालाही सीएसकेने रिलीज केलं.

टॅलेंट असूनही फिटनेसमुळे कार्तिक त्यागीसमोर अडचणी निर्माण झाल्या आहेत. फास्ट बॉलर असलेला कार्तिक त्यागी मागच्या मोसमात दुखापतींमुळे खेळू शकला नाही. भारताच्या अंडर-19 टीमचा स्टार राहिलेल्या कार्तिक त्यागीसाठी आयपीएलचा यंदाचा लिलाव करिअरमधला महत्त्वाचा टप्पा ठरू शकतो.

ग्लेन मॅक्सवेल ऑस्ट्रेलियासाठी उत्तम खेळतो, पण आयपीएलमध्ये आल्यानंतर त्याची कामगिरी ढासळते. आयपीएल 2024 मध्ये मॅक्सवेलने फक्त 53 रन केल्या तर आयपीएल 2025 मध्ये त्याला फक्त 48 रन करता आल्या. मॅक्सवेलची ही कामगिरी पाहता तो लिलावात अनसोल्ड राहण्याची शक्यता आहे.

38 वर्षांच्या मोईन अलीला केकेआरने रिलीज केलं आहे. 2025 च्या मोसमात त्याने 6 सामन्यांमध्ये फक्त 5 रन केल्या आणि 6 विकेट घेतल्या. मोईन अली हा केकेआरकडून खेळण्याआधी सीएसकेकडे होता. आंतरराष्ट्रीय क्रिकेटमधून निवृत्त झालेल्या मोईन अलीसाठी यंदाच्या आयपीएलमध्ये बोली लागण्याची शक्यता कमी आहे.