ऑनलाईन ॲपवरून शोधली कामवाली; आधी चांगलं काम करून मालकीणीचं मन जिंकलं, मग घरातच हादरवणारं कांड

पुणे : आजकाल शहरात राहणारे अनेकजण प्रत्येक गोष्ट ऑनलाईन बुक करताना दिसतात. हा पर्याय सोपा आणि सहज उपलब्ध होणारा आहे. मात्र, हेच करणं एका महिलेला चांगलंच महागात पडलं. पुणे शहरात मोबाईल ॲपवरून घरकामगार (मोलकरीण) शोधणं एका महिलेला चांगलंच महागात पडलं आहे. काही महिने विश्वास संपादन केल्यानंतर, संबंधित कामगार महिलेनं घरातील सोन्याचे दागिने घेऊन पोबारा केल्याची धक्कादायक घटना समोर आली आहे. ॲपवरून घेतलेल्या या कामवालीमुळे आता संबंधित महिला कायदेशीर आणि कौटुंबिक पेचात अडकली आहे.