सगळ्यांना वाटलं तो संघात असेल, पण शेवटच्या क्षणी गेम झाला, दिग्गज देखील त्याच्यासाठी भांडला, कोण आहे खेळाडू?

आजपासून बरोबर 49 दिवसांनी टी20 वर्ल्ड कप 2026 खेळवला जाणार आहे.या वर्ल्ड कपसाठी टीम इंडियाची घोषणा करण्यात आली आहे.

या संघातून शुभमन गिल बाहेर करण्यामागचं कारण कळालं, पण त्या खेळाडूला संघाबाहेर का केलं? असा प्रश्न उपस्थित केला जात आहे. या निर्णयाने चाहते देखील नाराज झाले आहेत.

हा खेळाडू दुसरा तिसरा कुणी नसून टीम इंडियाचा विकेटकिपर जितेश शर्मा आहे. जितेशला संघातून वगळणे हा त्याच्या क्षमतेचा प्रश्न नाही, तर हा संपूर्णपणे टीम कॉम्बिनेशनवर आधारित निर्णय आहे, असे अजित आगरकरने सांगितले आहे. जितेश अलीकडेच पहिल्या संघात होता आणि त्याने कोणत्याही महत्त्वपूर्ण चुका केलेल्या नाहीत, असे देखील त्यांनी सांगितले आहे.

टीम इंडियाचा दिग्गज क्रिकेटपटू इरफान पठाणने देखील यावर प्रतिक्रिया दिली आहे. जितेश शर्मा विचार करत असेल, माझ्याकडून अशी कोणती मोठी चूक घडली, ज्यामुळे मला संघातून वगळण्यात आले?

जितेश शर्माच्या टी20 कारकि‍र्दीबद्दल बोलायचं झालं तर त्याने 16 सामने खेळले आहेत आणि 150 पेक्षा जास्त स्ट्राइक रेटने धावा केल्या आहेत.

जितेश शर्माला अलीकडेच दक्षिण आफ्रिकेविरुद्धच्या मालिकेत संधी मिळाली होती. जितेशने पहिल्या सामन्यात नाबाद 10, दुसऱ्या सामन्यात 27 धावा केल्या, तिसऱ्या सामन्यात फलंदाजी केली नाही, चौथा सामना रद्द करण्यात आला आणि शेवटच्या सामन्यात त्याने एकही चेंडू खेळला नाही.

याचा अर्थ जितेशने काहीही चुकीचे केले नाही. पण तो संघात आपले स्थान पक्के करू शकला नाही. त्यामुळे जितेशसोबत अन्याय झाल्याचे बोलले जात आहे.