रोहितसोबत खेळणाऱ्याचा भीषण अपघात, मैदानातून स्ट्रेचरने थेट हॉस्पिटलमध्ये पोहोचवलं, नेमकं काय घडलं?

विजय हजारे ट्रॉफी स्पर्धेतून एक मोठी बातमी समोर आली आहे. या स्पर्धेत मुंबईच्या एका खेळाडूला मोठा अपघात झाल्याची घटना घडली आहे.

विशेष म्हणजे हा अपघात छोटा मोठा नव्हता. कारण मैदानात स्ट्रेचर बोलवावी लागली होती, त्यानंतर या खेळाडूला हॉस्पिटलमध्ये दाखल करण्यात आलं होतं.

दरम्यान हा खेळाडू नेमका कोण होता? आणि त्याला काय दुखापत झाली होती, हे जाणून घेऊयात.

हा खेळाडू रोहित शर्माचा मुंबईचा साथीदार अंगक्रिश रघुवंशी आहे. उत्तराखंड विरूद्धच्या सामन्यात फिल्डींग करताना अंगक्रिश रघुवंशी गंभीर जखमी झाला होता.

विशेष म्हणजे अंगक्रिश रघुवंशीला मानही वाकवता आली नाही.त्यामुळे परिस्थितीची गंभीरता पाहता मैदानावर एक स्ट्रेचर बोलावण्यात आली होती. या स्ट्रेचरवरून त्याला मैदानाबाहेर नेत जयपूरमधील रुग्णालयात दाखल करण्यात आले आहे.

मिडिया रिपोर्टनुसार, अंगक्रिश रघुवंशीने कॅच घेण्यासाठी डाईव्ह मारली होता. या डाईव्हमुळे त्याच्या मानेला दुखापत झाली होती.त्यामुळे तो मान वाकवू शकला नाही आणि नंतर त्याला स्ट्रेचरवरून बाहेर नेण्यात आले होते.

आता हॉस्पिटलमध्ये त्याचा सीटी स्कॅन केल्यानंतर त्याची दुखापत किती गंभीर आहे, याची माहिती मिळणार आहे.