Thirty First Party साठी आईबाबा नाही म्हणणारच नाही, हसत हसत पाठवतील; परमिशन मागताना वापरा ही सोपी ट्रिक

ख्रिसमस झाला आता थर्टी फर्स्ट पार्टीची तयारी सुरू झाली, कुणाचा प्लॅन झाला असेल कुणी प्लॅन करत असेल. थर्टी फर्स्ट पार्टी म्हणजे बहुतेक जण मित्रमैत्रिणींसोबत बाहेर जातात आणि थर्टी फर्स्ट पार्टी म्हणजे बहुतेकांच्या डोक्यात असतं ते दारू, क्लब वगैरे. त्यामुळे कित्येक पालक आपल्या मुलांना थर्टी फर्स्ट पार्टीसाठी पाठवत नाहीत. थर्टी फर्स्ट पार्टीसाठी आई-वडिलांकडून परमिशन घेताना टोन, टाइमिंग आणि ट्रस्ट हे तीन शब्द लक्षात ठेवले तर काम सोपं होतं.

परमिशन घेण्यासाठी योग्य वेळ निवडा. घाईत, रागात किंवा पाहुणे असताना विषय काढू नका. शांत वेळ म्हणजे जेवणानंतर किंवा संध्याकाळी विचारा. पण त्याआधी मूड सामान्य आहे, ठिक आहे याची खात्री करा थेट पार्टी शब्दाने सुरुवात टाळा. मला 31st पार्टीला जायचंय असं म्हणण्याऐवजी आमच्या फ्रेंड्सचं छोटं गेट टूगेदर आहे, असं सांगा.

कुठे? कोणासोबत? किती वाजेपर्यंत? कोण सोडणार किंवा घेणार? सुरक्षित आहे का? असे प्रश्न आई-वडिलांच्या मनात असतात. पण हे सगळं तुम्ही ते विचारण्याआधीच सांगा. पूर्ण माहिती द्या. पालक अधिकच कडक स्वभावाचे असतील तर पार्टीला जाणाऱ्या विश्वासू व्यक्तीचं नाव आधीच सांगा.  ठिकाण गुगल मॅपवर दाखवा.

म्हणजे आता सांगायचं झालं तर आईबाबा 31st ला माझ्या फ्रेंड्सचा ___ इथं छोटासा गेटूगेदर आहे. ठिकाण ___ आहे. सगळ्या ओळखीच्या मुली-मुलं आहेत. मी ___ वाजेपर्यंत परत येईन. ___ मला घ्यायला येईल आणि सोडेल. तुम्ही परवानगी दिलीत तरच जाईन.

तुमची जबाबदारी दाखवा. म्हणजे फोन चालू ठेवेन, लाइव्ह लोकेशन शेअर करेन, दारू पिणार नाही, लेटपर्यंत थांबणार नाही, अस्वस्थ वाटलं तर लगेच परत येईन, असं सांगा. कारण आई-वडिलांना कंट्रोल ठेवायचा नसतो पण तुमची सेफ्टी त्यांच्यासाठी महत्त्वाची असते.

थोडी तडजोड ऑफर करा. म्हणजे सगळंच तुमच्या मनासारखं नको. थोडं आईवडिलांनाही बरं वाटेल असं तरा. म्हणजे लवकर परत येईन, फक्त 1–2 तास असं सांगा. यामुळे परवानगीची शक्यता वाढते.

रडणं, हट्ट, इमोशनल ब्लॅकमेल असं काही करू नका. सगळ्यांचे आई-वडील परवानगी देतात असं बोलू नका.  शेवटच्या क्षणी सांगणं, खोटं बोलणं असं करू नका. कारण एकदा विश्वास उडाला तर तर पुढे अवघड आहे.