PAK vs NZ : पाकिस्तानचा गेम ओव्हर, लाहोरच रिटर्न तिकीट कन्फर्म! पावसामुळे वर्ल्डकपमधून बाहेर होण्यावर शिक्काच मारला

टी20 वर्ल्डकपच्या सूपर 8 मधील पाकिस्तान आणि न्यूझीलंड यांच्यातील पहिलाच सामना हा पावसामुळे रद्द झाला आहे. त्यामुळे दोन्ही संघाना एक एक गुण वाटून देण्यात आला आहे.

खरं तर पाकिस्तानला फुकटात एक गुण जरी मिळाला असला तरी त्यांना मोठा धक्का बसला आहे. कारण आता पाकिस्तानचा गेम ओव्हर होणार आहे.

पाकिस्तानचा न्यूझीलंड विरूद्धचा सामना कोलबो आर प्रेमदासा स्टेडिअमवर खेळवला जाणार होता.हे एकमेव मैदान आहे ज्यावर पाकिस्तानने आपले सामने जिंकले आहे. आणि आज देखील पाकिस्तानच्या जिंकण्याची शक्यता होती.

पल्लीकेले मैदानावर सपाट पिच आहे. हे पिच वेगवान गोलंदाजांसाठी अनुकूल आहे. पण पाकिस्तानच्या वेगवान गोलंदाजांची अवस्था पाहता पाकिस्तानसाठी खूप अवघड होणार आहे.

पाकिस्तान आतापर्यंत वर्ल्डकपमध्ये सहा स्पिनर आणि एक फास्टर बॉलर या रणनितीने मैदानात उतरत आली आहे. त्यातल्या त्यात त्याचा अनुभवी शाहिन आफ्रीदी विकेट काढण्यात अपयशी ठरतोच आहे, त्यासोबत धावा प्रचंड लूटतो आहे. भारता विरूद्धच्या या खराब कामगिरिमुळे त्याला नामिबिया विरूद्ध बाहेरचा रस्ता दाखवण्यात आला होता.

शाहिन आफ्रिदीचे वर्ल्ड कपमधील आकडे बघायला गेले तर त्याने नेदरलँड विरूद्ध 3 ओव्हरमध्ये 28 धावा देऊन एक विकेट काढली होती.तर सलमान मिर्झाने 4 ओव्हरमध्ये 24 धावा देऊन 3 विकेट काढल्या होत्या. त्यानंतर युएसएने आफ्रीदीची धुलाई केली होती.त्याला 4 ओव्हरमध्ये 42 धावा ठोकल्या होत्या. तर एक विकेट मिळाली होती.भारताविरूद्ध शाहिनला 2 ओव्हरमध्ये 31 धावा ठोकल्या होत्या. त्यात त्याने एक विकेट काढली होती.

भारताविरूद्ध खराब कामगिरी केल्याने त्याला संघाबाहेर करण्यात आलं होतं आणि फहिम अश्रमला नामिबियाविरूद्ध संधी देण्यात आली होती. त्यात त्याने 2 ओव्हरमध्ये 16 धावा दिल्या होत्या. पाकिस्तानकडे नसिम खानसारखा गोलंदाज आहे पण त्याला अद्याप संधी देण्यात आली नाही.

एकंदरीत सूपर 8 च्या दोन सामन्यात पाकिस्तानला ज्या वेगवान गोलंदाजांची मदत हवी आहे ती मिळू शकणार नाही. त्यात पाकिस्तानची जी ताकद आहे स्पिनग गोलंदात ती त्या मैदानावर निकामी ठरणार आहे.

पाकिस्तान आतापर्यंत मोहम्मद नवाज,अबरार अहमद, शादाब खान, मिस्ट्री स्पिनर उस्मान तारीक, कॅप्टन सलमान आगा आणि सैम अयुब या सहा स्पिनरचा वर्ल्ड कपमध्ये वापर करत आली आहे.यातले काही गोलंदाज विकेट काढण्यात यशस्वी देखील ठरले आहे. पण पल्लीकेलेचे मैदान हे स्पिनर गोलंदाजांसाठी अनुकूल नसल्या कारणाने पाकिस्तानाचा सूपर 8 मध्ये घात होण्याची शक्यता आहे.त्यामुळे पाकिस्तानच सूपर 8 मध्येच लाहोरच तिकीट कन्फर्म वाटतंय.