PAK vs SL : पाकिस्तानला 13.2 ओव्हरमध्येच जिंकावी लागेल मॅच, कसं असेल सेमीफायनलचं रोमांचक समीकरण?

आयसीसी टी-ट्वेंटी वर्ल्ड कपमध्ये इंग्लंड आणि न्यूझीलंड यांच्यात झालेल्या सामन्यात इंग्लंडने अखेरच्या ओव्हरमध्ये दणदणीत विजय मिळवल्याने आता न्यूझीलंडची टीम वर्ल्ड कपमधून बाहेर होण्याची शक्यता आहे.

न्यूझीलंडचं भवितव्य आजच्या श्रीलंका आणि पाकिस्तान यांच्यातील मॅचवरून ठरणार आहे. या दोन्ही संघाचा आज सामना श्रीलंकेच्या कँडी स्टेडियमवर खेळवला जाईल. अशातच आज तिसरा सेमीफायनलिस्ट मिळेल.

इंग्लंडच्या विजयानंतर पाकिस्तानची टीम वर्ल्ड कपमध्ये जिवंत राहिली आहे. अशातच आज फक्त पाकिस्तानला विजय मिळवण्याची गरजच नाही तर मोठ्या मार्जिनने विजय मिळवावा लागेल.

जर आज श्रीलंकेने 160 धावा उभ्या केल्या तर पाकिस्तानला हा सामना 40 बॉल राखून म्हणजेच 13.2 ओव्हरमध्येच जिंकावा लागणार आहे. पण असं झालं नाही तर न्यूझीलंड सेमीफायनलमध्ये जाईल.

तसेच जर पाकिस्तानची पहिली बॅटिंग आली आणि पाकिस्तानने 160 धावा उभ्या केल्या तर त्यांना श्रीलंकेवर 64 हून अधिक धावांनी विजय मिळवावाच लागणार आहे. नाहीतर न्यूझीलंड सेमीफायनलमध्ये जाईल.

पाकिस्तान आणि न्यूझीलंड यांच्यात सेमीफायनलमध्ये पोहोचण्यासाठी तगडी फाईट असणार आहे. श्रीलंकेच्या हातात आता पाकिस्तान आणि न्यूझीलंडचं भवितव्य असणार आहे.

पण श्रीलंका पाकिस्तानला मोठ्या मार्जिननेच काय... तर मॅच सुद्धा जिंकून देणार नाही, अशी परिस्थिती आहे. पाकिस्तानला आता मोठ्या रणनितीवर काम करण्याची गरज दिसून येतीये.