नाद करतो काय! IPL 2026 ऑक्शनच्या 2 दिवसआधी सरफराजने भाव वाढवला; 256 च्या स्ट्राईक रेटने जिंकवली मॅच

दोन दिवसानंतर म्हणजेच 16 डिसेंबरला आयपीएल 2026 चा मिनी-लिलाव अबू धाबी येथे होणार आहे. आयपीएल 2026 च्या लिलावासाठी एकूण 359 खेळाडूंची निवड करण्यात आली आहे.

आयपीएल ऑक्शनच्या पार्श्वभूमीवर टीम इंडियाचा युवा फलंदाज सरफराज खान याने सैयद मुश्ताक अली टी-ट्वेंटी टुर्नामेंटमध्ये आपल्या बॅटने धमाका केल्याचं पहायला मिळालं.

238 रन्सचं मोठं टार्गेट असताना सरफराजने 25 बॉलमध्ये 64 रन्सची महत्त्वपूर्ण आणि आक्रमक खेळी केली. त्याचा स्ट्राईख 256 इतका जबरदस्त होता, ज्यामुळे IPL संघांचे लक्ष त्याच्याकडे वेधलं गेलं आहे.

हरियाणाने दिलेल्या 238 रन्सच्या मोठ्या टार्गेटचा पाठलाग करताना फलंदाजांनी उत्कृष्ट परफॉर्मन्स केला. सलामीचा खेळाडू यशस्वी जयस्वाल याने केवळ 48 बॉलमध्ये आपलं शानदार शतक पूर्ण केलं.

जयस्वालची धडाकेबाज खेळी संघाला विजयाच्या जवळ घेऊन गेली. मात्र, सरफराज खानची 64 रन्सची खेळी अत्यंत निर्णायक ठरली, कारण सरफराजने प्रतिस्पर्धी संघाला पुनरागमन करण्याची संधी दिली नाही.