T20 World Cup : पाकिस्तानचा आत्मघातकी निर्णय, भारताविरुद्धची चूक सुधारताना न्यूझीलंडविरुद्ध महामूर्खपणा!

ग्रुप डी मध्ये असलेल्या न्यूझीलंडने 4 सामन्यांपैकी 3 मध्ये विजय मिळवला. अफगाणिस्तान, युएई आणि कॅनडाविरुद्ध न्यूझीलंडचा विजय झाला तर दक्षिण आफ्रिकेविरुद्ध किवी टीमला पराभवाचा धक्का बसला.

न्यूझीलंडने टी-20 वर्ल्ड कपच्या ग्रुप स्टेजमधले सगळे सामने भारतामध्ये खेळले आहेत, पण आता पाकिस्तानविरुद्धच्या सामन्यासाठी न्यूझीलंडची टीम श्रीलंकेमध्ये गेली आहे. कोलंबोच्या प्रेमदासा स्टेडियमवर न्यूझीलंड आणि पाकिस्तान यांच्यात सुपर-8 चा सामना होत आहे.

सुपर-8 मध्ये पाकिस्तानविरुद्धचा सामना जिंकायचा असेल तर न्यूझीलंडला स्पिन बॉलिंगसमोर उत्कृष्ट बॅटिंग करावी लागेल. तर दुसरीकडे पाकिस्तानच्या बॅटिंगलाही न्यूझीलंडचा वर्ल्ड क्लास स्पिनर मिचेल सॅन्टनरचा सामना करावा लागणार आहे.

या सामन्यात पाकिस्तानचा कर्णधार सलमान आघाने टॉस जिंकून बॅटिंगचा निर्णय घेतला. टॉस सुरू असतानाच पाऊस पडत असतानाही पाकिस्तानने घेतलेल्या या निर्णयाने अनेकांना धक्का बसला आहे.

भारताविरुद्धच्या सामन्यात पाकिस्तानने टॉस जिंकून पहिले बॉलिंगचा निर्णय घेऊन चूक केली, पण आता ही चूक सुधारण्यासाठी त्यांनी न्यूझीलंडविरुद्ध पहिले बॅटिंग घेतली आहे. पाऊस पडत असताना डकवर्थ लुईस नियमामुळे आव्हानाचा पाठलाग करणाऱ्या टीमला फायदा होतो, हे माहिती असूनही पाकिस्तानने पहिले बॅटिंग करण्याचा धक्कादायक निर्णय घेतला आहे.

पाकिस्तानने त्यांच्या टीममध्ये एक बदल केला आहे. फखर झमानचं टीममध्ये कमबॅक झालं आहे, तर नफीला पाकिस्तानने डच्चू दिला आहे. तर न्यूझीलंडने त्यांच्या टीममध्ये 3 बदल केले आहेत.

पाकिस्तानची प्लेइंग इलेव्हन : साहिबजादा फरहान, सॅम अय्युब, सलमान आघा (कर्णधार), बाबर आझम, फखर जमान, उस्मान खान (विकेटकीपर), शादाब खान, मोहम्मद नवाज, फहीम अश्रफ, सलमान मिर्झा, उस्मान तारिक

न्यूझीलंडची प्लेइंग इलेव्हन : टीम सायफर्ट (विकेटकीपर), फिन ऍलन, रचिन रवींद्र, ग्लेन फिलिप्स, मार्क चॅपमन, डॅरिल मिचेल, मिचेल सँटनर (कर्णधार), जेम्स नीशम, मॅट हेन्री, ईश सोधी, लॉकी फर्ग्युसन