Vijay Hazare Trophy : वैभव सूर्यवंशी उद्याचा सामना खेळणार नाही, स्पर्धेतून अचानक का घेतली माघार? मोठं कारण समोर

टीम इंडियाचा स्टार युवा क्रिकेटपटू वैभव सूर्यवंशी सध्या विजय हजारे ट्रॉफी स्पर्धेत खेळत आहे. या स्पर्धेतील पहिल्याच सामन्यात त्याने वादळी खेळी केली होती.

या खेळीनंतर आता वैभव सूर्यवंशीने विजय हजारे ट्रॉफी स्पर्धेतून माघार घेतली आहे.त्यामुळे वैभवच्या चाहत्यांना मोठा झटका बसला आहे.त्यामुळे अचानक माघार घेण्यामागचं कारण काय? हे जाणून घेऊयात.

विजय हजारेच्या पहिल्याच सामन्यात वैभव सूर्यवंशीने अशी फक्त 84 बॉलमध्ये 190 धावांची ऐतिहासिक खेळी केली होती. यादरम्यान त्याने 59 बॉलमध्ये 150 धावा केल्या होत्या. या धावा करून त्याने एबी डिव्हिलियर्सचा सर्वात जलद 150 धावांचा वर्ल्ड रेकॉर्ड मोडला होता.

पहिला सामना खेळल्यानंतर आता वैभव सूर्यवंशीने विजय हजारे ट्रॉफी स्पर्धेतून माघार घेतली आहे. विशेष म्हणजे वैभवचे माघार घेण्यामागचे कारण खूपच चांगले आहे. हे कारण काय आहे?हे जाणून घेऊयात.

वैभवला केंद्र सरकारकडून पंतप्रधान राष्ट्रीय बाल पुरस्काराने सन्मानित केले जात आहे. 26 डिसेंबर, शुक्रवारी नवी दिल्लीतील राष्ट्रपती भवनात द्रौपदी मुर्मू त्याला हा प्रतिष्ठित पुरस्कार वैयक्तिकरित्या प्रदान करतील. शिवाय, या खास प्रसंगी वैभव नरेंद्र मोदींना भेटणार आहे. या कारणास्तव, तो त्याचा पहिला सामना खेळल्यानंतर लगेचच दिल्लीत पोहोचला.

बिहारचा पुढचा सामना देखील 26 डिसेंबर रोजी आहे. त्यामुळे वैभव त्यात सहभागी होऊ शकणार नाही. यानंतरही, तो विजय हजारे ट्रॉफीमध्ये परतू शकणार नाही कारण त्याला 19 वर्षांखालील संघात सामील व्हायचे आहे.

भारतीय अंडर 19 संघ 30 डिसेंबर रोजी दक्षिण आफ्रिकेला रवाना होईल, जिथे 4 ते 9 जानेवारी दरम्यान तीन एकदिवसीय सामने खेळले जातील. अंडर-१९ विश्वचषकाच्या तयारीसाठी ही मालिका महत्त्वाची आहे.

याचा अर्थ असा की वैभव सूर्यवंशीला पुन्हा फलंदाजी करताना पाहण्यासाठी चाहत्यांना 4 जानेवारीपर्यंत वाट पहावी लागेल