Virat Kohli स्टंम्प आऊट, पंतच्या दांड्या उडवल्या, टीम इंडियाच्या खेळाडूंची शिकार करणारा Vishal Jaiswal कोण?

विजय हजारे ट्रॉफी स्पर्धेत विराट कोहली खेळत असलेल्या दिल्ली संघाने आज गुजरात संघाचा अवघ्या 7 धावांनी पराभव केला आहे.

या सामन्यात विराट कोहलीच्या बॅटीतून आणखी एक सेंच्यूरी आली असती. पण गुजरातच्या एका बॉलरमुळे ही सेंच्यूरी हुकली आहे.

विराट कोहली 77 धावांवर खेळत असताना विशाल जयस्वालने गुगली टाकली.त्यामुळे विराट कोहली स्टम्प आऊट झाला होता.त्यामुळे विशाल जयस्वालमुळे विराटची सेंच्यूरी हुकली होती.

विराट कोहलीनंतर विशाल जयस्वालने रिषभ पंतची शिकार केली होती.रिषभ पंत 70 धावांवर खेळत होता. यावेळी तो शतक करेल असे वाटत असताना विशाल जयस्वालने त्याला क्लिन बोल्ड केले होते.

अशाप्रकारे विशालने टीम इंडियाच्या या दोन खेळाडूंची शिकार केली होती. विशेष म्हणजे या दोन खेळाडूंसोबत विशाल जयस्वालने अर्पित राणा आणि नितीश राणाचीही विकेट काढली होती.

गुजरातकडून विशाल जयस्वालने 42 धावा देऊन 4 विकेट काढल्या होत्या. यामध्ये विराट आणि पंतची शिकार केल्यामुळे तो प्रचंड चर्चेत आला आहे.

सामन्याबद्दल बोलायचं झालं तर दिल्लीने दिलेल्या 254 धावांच्या लक्ष्याचा पाठलाग करताना गुजरात 247 वर ऑलआऊट झाली होती. गुजरातकडून सौरव चव्हाणने सर्वाधिक 49 धावा केल्या होत्या.

तर दिल्लीकडून विराट कोहलीच्या 77 आणि पंतच्या 70 धावांच्या बळावर 254 धावा केल्या होत्या.