फोनची बॅटरी जास्त वेळ चालवायचीये? या सेटिंग करा ऑन, होईल फायदाच फायदा

आता अशी वेळ आली आहे की, स्मार्टफोन आपल्या दैनंदिन जीवनाचा एक महत्त्वाचा भाग बनला आहे. आपण आता त्याचा वापर केवळ कॉलसाठीच नाही तर सोशल मीडियावर सर्फिंग, ऑनलाइन शॉपिंगपासून ते बँकिंगपर्यंत सर्व गोष्टींसाठी करतो. त्याचा वापर जितका जास्त होईल तितकी त्याची बॅटरीही लवकर संपेल असे म्हणणे चुकीचे ठरणार नाही. म्हणूनच, लोकांना भेडसावणारी एक मोठी समस्या म्हणजे त्यांच्या फोनची बॅटरी खूप लवकर संपते. परंतु फार कमी लोकांना माहिती आहे की काही सोप्या सेटिंग्ज बदलून फोनची बॅटरी जास्त काळ वाचवता येते.

बॅटरी केवळ चार्जिंगवरच नाही तर तुमच्या वापरण्याच्या पॅटर्नवर देखील अवलंबून असते. म्हणून जर तुम्हाला तुमचा फोन एकाच चार्जवर जास्त काळ टिकवायचा असेल, तर तुम्ही काही सोप्या आणि प्रभावी टिप्सचा अवलंब करून तुमची बॅटरी लाईफ सुधारू शकता.

स्क्रीन ब्राइटनेस कमी करा - फोनची स्क्रीन सर्वात जास्त बॅटरी वापरते. ब्राइटनेस ऑटो मोडवर ठेवा किंवा मॅन्युअली कमी करा. तसेच, डार्क मोड वापरा, यामुळे बॅटरी वाचते.

बॅकग्राउंड अ‍ॅप्स बंद करा- अनेक अ‍ॅप्स बॅकग्राउंडमध्ये चालू राहतात आणि बॅटरी संपवतात. सेटिंग्जमध्ये जा आणि बॅकग्राउंड अ‍ॅप रिफ्रेश बंद करा किंवा बॅटरी ऑप्टिमायझेशनचा ऑप्शन निवडा.

लोकेशन आणि ब्लूटूथ बंद करा- GPS आणि ब्लूटूथ चालू ठेवल्याने बॅटरी लवकर संपते. गरज असेल तेव्हाच ते चालू करा. वायफाय स्कॅनिंग आणि ब्लूटूथ स्कॅनिंग देखील बंद ठेवा.

बॅटरी सेव्हर मोड वापरा- स्मार्टफोनमध्ये दिलेला बॅटरी सेव्हर मोड चालू करा. यामुळे बॅकग्राउंड प्रोसेस आणि अनावश्यक फीचर्स आपोआप कमी होतात.

स्क्रीन टाइमआउट कमी करा- फोन वापरल्यानंतर लगेच स्क्रीन लॉक करा. स्क्रीन टाइमआउट 15 किंवा 30 सेकंदांवर सेट करा, यामुळे बॅटरीची खूप बचत होते.

अ‍ॅप्स आणि सिस्टम अपडेट ठेवा- फोन आणि अ‍ॅप्स अपडेट ठेवा. नवीन अपडेट्स अनेकदा बॅटरी ऑप्टिमायझेशनसह येतात, ज्यामुळे बॅटरीची कार्यक्षमता सुधारते.

चार्जिंगची योग्य पद्धत पाळा- फोन नेहमी 20% ते 80% दरम्यान चार्ज करा. 100% किंवा पूर्णपणे डिस्चार्ज केल्याने बॅटरीचे लाइफ कमी होते.