Realmeच्या 2 भारी फोन्सची धमाकेदार एंट्री! मिळतेय 7,000mAh, किंमत किती?

Realme ने त्यांच्या Narzo सीरीजअंतर्गत भारतात दोन नवीन स्मार्टफोन लाँच केले आहेत. Realme Narzo 90 5G आणि Realme Narzo 90x 5G. दोन्ही फोन मध्यम श्रेणीच्या सेगमेंटला लक्षात घेतलेय आणि त्यात मोठी बॅटरी, फास्ट चार्जिंग आणि लेटेस्ट सॉफ्टवेअर सारख्या फीचर्सचा समावेश आहे. कंपनीचे लक्ष अशा यूझर्सवर आहे ज्यांना परवडणाऱ्या किमतीत दमदार परफॉर्मेंस आणि दीर्घ बॅटरी लाइफ हवी आहे.

Realme Narzo 90 5G मध्ये 120Hz रिफ्रेश रेटला सपोर्ट असलेला 6.57-इंचाचा AMOLED फुल एचडी+ डिस्प्ले आहे. त्याची स्क्रीन बरीच चमकदार आहे आणि चांगली कलर क्वालिटी देते. Narzo 90x 5G मध्ये 144Hz रिफ्रेश रेटसह 6.80-इंचाचा LCD डिस्प्ले आहे. डिझाइनच्या बाबतीत, दोन्ही फोन आधुनिक लूकमध्ये आहेत आणि प्रीमियम फील देतात.

परफॉर्मेंस आणि सॉफ्टवेअर : Realme Narzo 90 5G मध्ये MediaTek Dimensity 6400 Max प्रोसेसर आहे. तर Narzo 90x 5G मध्ये Dimensity 6300 चिपसेट आहे. दोन्ही फोन अँड्रॉइड 15-आधारित Realme UI 6.0 वर चालतात, जे यूझर्सना लेटेस्ट फीचर्स आणि एक सहज अनुभव प्रदान करतात. हे फोन दैनंदिन कामांसाठी, सोशल मीडिया आणि गेमिंगसाठी आदर्श आहेत.

कॅमेरा फीचर्स : Realme Narzo 90 5G मध्ये 50MP चा प्रायमरी कॅमेरा आणि मागील बाजूस 2MP चा सेकेंडरी सेन्सर आहे. समोर 50MP चा सेल्फी कॅमेरा देखील समाविष्ट आहे. जो या सेगमेंटमध्ये यूनिक मानला जातो. Narzo 90x 5G मध्ये मागे 50MP चा सोनी सेन्सर आणि समोर 8MP चा सेल्फी कॅमेरा आहे. दोन्ही फोन 1080p व्हिडिओ रेकॉर्डिंगला सपोर्ट करतात.

बॅटरी आणि चार्जिंग : दोन्ही स्मार्टफोन्सचे सर्वात मोठे आकर्षण म्हणजे त्यांची मोठी 7,000mAh बॅटरी. ती 60W फास्ट चार्जिंगला सपोर्ट करते. ज्यामुळे फोन फास्ट चार्ज होतो आणि पूर्ण दिवस टिकतो.

पाणी आणि धूळ संरक्षण : Realme Narzo 90 5G ला IP66, IP68 आणि IP69 रेटिंग देण्यात आली आहे, ज्यामुळे ते पाणी आणि धूळ प्रतिरोधक बनते. Narzo 90x 5G ला IP65 रेटिंग देण्यात आली आहे.

किंमत काय आहे? : Realme Narzo 90 5G ची 6GB रॅम आणि 128GB स्टोरेज व्हेरिएंटची किंमत ₹16,999 पासून सुरू होते. 8GB रॅम व्हेरिएंटची किंमत ₹18,499 पासून सुरू होते.

दुसरीकडे, Realme Narzo 90x 5G ची किंमत ₹13,999 पासून सुरू होते, तर टॉप व्हेरिएंटची किंमत ₹15,499 मध्ये उपलब्ध आहे. दोन्ही स्मार्टफोन्स 24 डिसेंबरपासून Amazon आणि Realme च्या अधिकृत वेबसाइटवर विक्रीसाठी उपलब्ध असतील.एकंदरीत, मोठी बॅटरी, जलद चार्जिंग आणि त्यांच्या बजेटमध्ये लेटेस्ट फीचर्ससह 5G स्मार्टफोन शोधणाऱ्या यूझर्ससाठी Realme Narzo 90 Series हा एक चांगला पर्याय आहे.