Kochi Cargo Ship: कंटेनरनं भरलेलं जहाज कागदी होडीसारखं समुद्रात बुडालं, घटनास्थळाचे PHOTOS

देशभरात मान्सूनचं आगमन आता काही दिवसांवर येऊन ठेपलं आहे पण त्याआधीच सर्वत्र पावसाने धुमशान घातलं आहे. समुद्रातही कमी दाबाचा पट्टा निर्माण झाल्यामुळे पाऊस सुरू आहे. अशातच केरळमधील कोचीजवळ समुद्रात एक मालवाहू जहाज बुडाल्याची घटना घडली आहे. सुदैवाने अद्याप या दुर्घटनेत कोणतीही जीवितहानी झाल्याचे वृत्त नाही. तटरक्षक दलाकडून बचावकार्य सुरू आहे.

कोचीजवळ समुद्राच्या मध्यभागी एक मालवाहू जहाज बुडाल्याची घटना घडली आहे. तटरक्षक दलाने वेळीच रेस्क्यू ऑपरेशन राबवून 24 पैकी 9 जणांना वाचवलं आहे. अजूनही जहाजावर काही कर्मचारी अडकले आहे. त्यांना वाचवण्याचं काम युद्धपातळीवर सुरू आहे.

कोचीजवळील समुद्रात दुपारी १ वाजून २५ मिनिटांनी ही घटना घडली.  मालवाहू जहाज लिबियाचे असल्याचं सांगितलं जात आहे. जहाज समुद्रातअर्धे बुडालं आहे. १८४ मीटर लांबीचं लायबेरियन ध्वज असलेलं कंटेनर जहाज MSC ELSA ३ हे २३ मे रोजी विझिंजम बंदरातून निघालं होतं. २४ मे रोजी कोची इथं पोहोचणार होतं.

पण २४ मे रोजी दुपारी १:२५ वाजता, मेसर्स MSC शिप मॅनेजमेंटने भारतीय अधिकाऱ्यांना कोचीच्या नैऋत्येस सुमारे ३८ नॉटिकल मैल अंतरावर जहाजाला अपघात झाला. समुद्रात आलेल्या लाटांनी जहाजाला नुकसान झालं. बघता बघता जहाज हे समुद्रात बुडालं.

घटनेची माहिती तातडीने भारतीय तटरक्षक दलाला देण्यात आली. त्यानंतर लगेच बचाव कार्य सुरू झालं. या भागात जहाजे आणि अडचणीत आलेल्या जहाजावर विमानांची  नजर असते.

या जहाजावर २४ कर्मचाऱ्यांपैकी ९ जण जहाज सोडून लाईफ बोटींमध्ये आहेत. तर उर्वरित १५ जणांना वाचवण्याचं बचावकार्य सुरू आहे.

या जहाजावर नेमकी दुर्घटना कशामुळे घडली याची माहिती अद्याप समोर येऊ शकली नाही. मात्र हे जहाज समुद्रात एका बाजूला झुकलं आहे. ९ कर्मचारी आधीच रेस्क्यू बोटीनं जहाजावरून बाहेर पडली आहे. १५ कर्मचाऱ्यांसाठी रेस्क्यू ऑपरेशन सुरू आहे.