10 रुपयाची प्रिंटआऊट आणि बरंच काही...; पुणेकरांनाही मागे टाकतील अशा मुंबईकरांच्या Online Order, पाहूनच चक्रावून जाल

ऑनलाईन शॉपिंगमुळे घरबसल्या अगदी काही दिवसात किंवा काही वेळात सामान आपल्या घरी पोहोचतं. खाण्यापिण्याचे पदार्थ तर काही मिनिटांत आपल्या घर येतात. या ऑनलाईन शॉपिंगची लोकांना आता इतकी सवय झाली आहे की अगदी साधी 10 रुपयांची प्रिंटआऊटही लोक ऑनलाईन मागवत आहेत. प्रिंटआऊट काढण्यासाठीही लोक बाहेर पडत नाही आहेत. तुम्हाला विश्वास बसणार नाही 24 तास धावणाऱ्या मुंबईतील ऑनलाईन शॉपिंगचा हा धक्कादायक रिपोर्ट आहे.

मुंबई म्हणजे सतत धावणारी, पण याच मुंबईत आता लोक प्रिंटआऊटचीही ऑर्डर ऑनलाईन देत आहेत. मुंबई उपनगराचा महत्त्वाचा भाग असलेली अंधेरी, अंधेरी पूर्वमधून एका वर्षात तब्बल 336651 प्रिंटआऊटच्या ऑनलाईन ऑर्डर आल्या.

जेवल्यानंतर गोड खायची सवय अनेकांना असते. मुंबईत तुम्ही पाहाल तर बरेच लोक रात्री जेवणानंतर आईस्क्रिम खातात. आधी लोक आईस्क्रिम खाण्यासाठी रात्रीच्या जेवणानंतर घराबाहेर पडायचे आता ऑनलाईनच आईस्क्रिम ऑर्डर केली जाते. गोरेगावमध्ये रात्रीच्या जेवणानंतर वर्षभरात 241043 आईस्क्रिम गटकल्या गेल्या आहेत.

लोक हेल्थच्या बाबतीत खूप जागरूक झाले आहेत. त्यामुळे प्रोटिन पावडर हा कित्येकांच्या डाएटचा भाग झाला आहे. अंधेरी वेस्टमध्ये एका व्यक्तीने 65100 ग्रॅम प्रोटिन पावडर ऑर्डर केली. म्हणजे दिवसाला 6 स्कूप आहेत. तर लोअर परेलमध्ये मध्यरात्रीनंतर 49664 एनर्जी ड्रिंक ऑर्डर करण्यात आल्या.

पाव, कित्येक मुंबईकरांच्या घरातील सकाळचा नाश्ता आहे. एका वर्षात संपूर्ण मुंबईत 734508 पॅकेट्स पाव ऑर्डर करण्यात आले. आंबा हे सिझनल फळ आणि मोदक हा असा पदार्थ जो खासकरून गणेशोत्सवात प्रत्येक घरात बनतो.  पवईमध्ये या वर्षात 17112 आंबे ऑनलाईन ऑर्डर करण्यात आले. या यादीत जोगेश्वरी दुसऱ्या क्रमांकावर आहे. तर गणेश विसर्जनादिवशी दादरमधील एका व्यक्तीने 1750 मोदकांची ऑर्डर दिली.

बोरिवलीतील एका व्यक्तीने एकाच वेळी 250 AA बॅटरी ऑर्डर केला. तर बांद्रा वेस्टमधून कुणीतरी 215 अॅक्ने पॅचेसच्या ऑर्डर दिल्या. मिरारोडमधील एका व्यक्तीने वर्षभरात 1500 ऑनलाईन ऑर्डर दिल्या म्हणजे दिवसाला म्हणाल तर 4 पेक्षा अधिक ऑर्डर.

2025 या वर्षात मुंबईकरांनी ब्लिंकीटवर दिलेल्या या ऑनलाईन ऑर्डरची ही यादी आहे. ज्याचा रिपोर्ट ब्लिंकीटने दिलेला आहे.