General Knowledge : Who’s आणि Whose कोणता शब्द कधी वापरायचा? लगेच दूर करा दोघांमधील गोंधळ

शाळेत इंग्रजी शिकवताना आधी 26 अल्फाबेटची ओळख करुन दिली जाते, त्यानंतर मग लहान शब्द शिकवले जातात. ज्यामध्ये who, whose, how सारखे शब्द शिकवले जातात.

तसे पाहाता हे प्रश्नार्थक शब्द आहेत ज्यामध्ये Who’s आणि Whose हे दोन शब्द आहेत. पण या दोघांमध्ये फरक काय?

दोन्ही शब्द सारखे आहेत का? कधी कशाचा वापर होतो? चला समजून घेऊ.

Who’sहा शब्द Who is किंवा Who has यांचा संक्षिप्त स्वरूप आहे. म्हणजेच, कोण आहे किंवा कोणाकडे आहे असा त्याचा अर्थ होतो.

Whoseहा शब्द कोणाचा/कोणाची/कोणाचे यासाठी वापरला जातो. हा शब्द मालकी दर्शवण्यासाठी वापरला जातो. जसे की Whose phone is this? म्हणजे हा कोणाचा फोन आहे. इथे मालकी वापरली जाते म्हणून तिथे Whose वापरु शकता.

Who’s आणि Whose यांच्या उच्चारांत साम्य असलं तरी त्यांचा अर्थ आणि उपयोग भिन्न आहे.

अर्थामधील हा साधा फरक लक्षात ठेवला तर यापैकी कोणच्या शब्दाचा वापर कुठे करायचा हे तुम्हाला कळेल.